بــــــنــــاـت د ـبــــــــــــــي والإمـــاراـت بسرعه مطلوبين للضرورة

السلام عليكم
مرحبا بنات حواء وبالأخص دبي وباقي الإمارات يمكن يفيدوني ويفيدون كل البنات اللي مثلي تعاني من مشكلة جلدية

بسم الله الرحمن الرحيم

عزيزاتي وأخواتي
أنا أعاني من سنة تقريبا من مشكلتين أساسيتين وبعدين راح أتفرع في باقي المشكلات
أول مشكلتين الشعر تحت الجلد اللي سببلي آلام كل مايظهر الشعر تحت الجلد ومسببا ظهور حبوب ظخمه بسبب تكون الشعره بداخل الجلد وتكورها إلى أن تنفجر وبعد إظهار الشعر يبقى الأثر بشكل واضح وسيء على الجلد مسببا حالة نفسيا لي

وثاني مشكله ظهور حبيبات بنفس لون بشرتي على الشفتين السفلية والعلوية ومع الوقت قامت تزيد الحبيبات وفوق كلها هذا تتقارب مع بعضها يعني بعد فتره راح تشوه ملامح شفاتي وهذي المشكله مسببتلي حاله نفسية
والمشكلات الأخرى
وهي عدم توحد لون البشرة
ظهور آثار بنيه سببها البقع
عندي شامة بارزة أيظا المفروض تنشال لأنها مع الوقت تكبر أول كانت نونو الحين صارت كبيره
وأتمنى بشرة صافيه خاليه من العيوب وتنحل كل مشكلاتي لكن
وين ألاقي الدكتور الممتاز أو الدكتورة الممتازه
فبليز يابنات الإمارات وبنات دبي خصوصا
منو أفضل دكاترة وأخصائيين جلدية عندكم في دبي
الله يخليكم يابنات والله حالي جدا مستعصيه تعبت من الألم تخيلو كل إسبوعين أشيل الشعر بالملقط والخيط ولكن ألم واماز الكثير منه تحت الجلد ويهي يعورني تعبت أبغي أرتاح من هالكابوس
ويزاكم الله ألف خير
والسموحه على الإطاله
إختكم تاليا
:(