صبآح / مسآء الورد :32:
هلآ وغلآ بصديقآتي الصغنونات وكريشاتهن :hahaha: ... كيف النفسيات أكيد رعب وقلق وتوتر ومصير مجهول>> شعور أي مواطنه بكريه :06:
أنا الحين بنص التاسع راح أولد أن شاء الله على نهاية هالشهر طبعا متحمسه حييييييييييييل أبي أشوف كتكوتي خاصة أني جلست سنه ونص من زواجي بدون حمل .. ومن الشهر الثامن وأنا أدور بالنت وأجهز وأفرفر بالاسواق كانت تجربه حلوووه مرررررره :39:
للأسف ودي أصور لكم أغراض البيبي لكن الأغراض حاليا عند أهلي
المهم راح أقولكم وش سويت بالتفصيل الممل واللي تبي تستفيد مني تدعيلي أن ربي يسهل ولادتي ويرزقني الطفل التام خلقآ وخلقه :04:
أول شي سافرت لاهلي وجهزت المكان اللي راح أتنفس فيه وبما أن بيتنا صغير ماحبيت أضايق خواتي بغرفتهم قلت راح أحطلي سرير ودرج صغير للبيبي في مجلس الحريم لأن مجلسنا كبير ومايجينا ضيوف كثير يعني أهلي بس خالاتي وبناتهم وصديقاتي وحنا من النوع اللي مانحب نتكلف بشي الحمد لله نحب البساطه وألزم ماعلينا راحتنا النفسيه
فقررت أغير أثاث المجلس من إلى طبعا بعد ماأقنعت أمي >>>أمي عارفه أني عوبا ولازم اسوي اللي براسي عشان كذا أقتنعت فدييييتها ياناس
وخاصة أن الكنب حقنا مرررررررره فخم وألوانه حيل فخمه لكن مليت منه وكبير يعني مضيق المجلس ولونه غامق بنفسجي وذهبي وأنا أحب الألوان الفاتحه والمساحات الواسعه تريحني كثيييييييير
طبعا رحت أنا وأختي فديييييييييتها لمحلات الأثاث بدون مانعلم أهلي>>> قدعات
واخترنا كل شي وحجزنا الألوان والحمد لله خلال أسبوع كل شي جهز هذا طبعا وانا بالثامن
خساره ودي أنزل الصور بس ماصورت شي أن شاء الله أذا رحت لأهلي وبعد ولادتي راح أصور لكم كل شي وبهذا الموضوع بأذن الله
ولأني مليت من الكنب أخترت مساند (مخاد) بس ع الموضه حيييل فخمه ومليانه لونهم برتقالي محروق وبيج غامق والنقش مررره فخم صراحه طالع شكلهم خطيييير ويفتح النفس ولايق مع صبغة الجدار لونها بيج لماع والستاره أخترت تصميم زي نظام الفنادق تجيك كلاسيك طويله وتفتحينها من جنب واحد ومربوطه بزي الحبل تعبت لين فهمت الهندي هالتصميم بس الحمد لله ضبطه لي وطلعت خيااااال وحطيت فرشه مكرونه بدل السيراميك ولونها برتقالي محروق بس رووووعه ماشاء الله ومريحه للجلوس وأشتريت طاوله منخفضه من أيكيا ولوح برتقاليه بأذن الله راح تشوفونها لما أسافر لاهلي بالسلامه بس راح أنزلها بهالموضوع وأشتريت سرير لي وللبيبي ودرج ناااعم صغير لكتكوتي فديته وبس هذا بالنسبه لمكان نفاسي
الحين بخبركم عن أغراض البيبي أشتريت من سنتر بوينت ومذركير وللاسف كان التخفيض توه مخلص مالحقت فقلت لزوجي مااالي دخل أول ولد أبي ألبسه أغلي الماركات هذا ولد الـ.... مو حي الله >>>>خخخخخخخخخخخ ياشين المره لاجت تتمصلح مع زوجها تقطعه من المدح وهو المسكين ماقدر يقول لا عشان مايكسر فرحتي :hahaha:
بس أن شاء الله الكتكوت الثاني ماراح أصرف عليه كثر الأول لأني حيييل أسرفت الله يسامحني قلت أول ولد أبي أدلع نفسي >>>>قهرررررررر ماعندي صور للاغراض
وطبعا أشتريت أغراضي حقت النفاس من ملابس وكل شي
وأغراض النظافه من الصيدليه
بس راح أخبركم عن أهمممممممم شي جهزته واللي بصراحه فتحت هالموضوع عشان تستفيدون منه يالبكريات .. واللي راح نطلع فيه بأكبر فائده اللي هو ( نظام النفاس )
أنتظروني بهالموضوع راااجعه لكم لأني تعبت حيييييييييل من الكتابه وياليت ماتردون لين أجي أكمل عشان مايخرب شكل موضوعي
:32:
