عيـــــــــن العقل .. والله كلامها درر
حبيت أضيف سطر واحد بس لكلامها ..
وموجه للبنات والشباب
علماء النفس يقولون : كل ماقلت ثقتك بنفسك زاد تقديرك للاشياء الماديه
صح لســــــــــــــــــــانك بس ماحولك احــــد
__________________________________________________________________________________________________________________________________________
*
*
*
*
كل ماقلت ثقتك بنفسك زاد تقديرك للاشياء الماديه
خلاص.. يععععع.. وشو ذاااا.. ملينا .. ما صارت
ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمه ؟؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة
بمجتمع ستاتي ... لا يقعد ينط على واحد ويقول يا مصلكم يالحريم .. تراكم انتم لاحقينا بعد
ليه كل اجازه ولو خمس ايام يالله نسافر ليش مانقعد نعيد ترتيب حياتنا نناجي ربنا نحفظ سوره
نقرأ كتاب ياجماعه شوفو حوادث السيارات شوفو البزران الي يسوقون ويودون اهلهم ياجماعه البيت سكن والسفر قطعه من نار وفيه خراب بيوت خاصه الي يتسلفون وينسجنون بعد السفر احمدو ربكم على النعمه نفسي بس اجازه واحده الناس يقعدون ببيوتهم ليش صرنا كذا شوفو الأجانب الي نقلدهم كل خمس او عشر سنين سفره واحده وتكون مره ممتعه مو مثلنا نتعب ونتهاوش ونعود
ليه الناس صاروا يتكلفون بكل شي .. عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول وتميس ... السالفة مب سالفة فقير وغني السالفة سالفة بساطة وتكلف ... وكلش كوم وإذا قال لك أحد والله الناس تقاطعوا هالأيام !!! كل هذا وما تبون يتقاطعون !؟
ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله وسعر السله الوحده ما يقل عن 500 طيب سله سلتين بتفتحهم والباقي حراام وش تسوي فيه ؟؟ .. ليه ما نسوي بيبي شور زي الأجانب وكل وحده تكتب قائمة بالحاجات اللي تحتاجها وتسوي زي الحفله البسيطه يجون فيها الناس منها انها ماراح يجيها هدايا إلا الحاجات اللي تحتاجها ومنها انه تجمع الناس مره وحده وما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي
ليه البنات صايرين ماصلين وسوالفهم مره ماصله ؟؟ أكبر همهم فلانه وش لبست .. والمحل الفلاني وش نزل .. يااي مره حلو التان عليك ... كلنا بنات ونحب هالسواليف بس مب عاد تصير اكبر همنا !! من متى الوحده حتى لو لابسه شي يحوم الكبد بس عليه اللوقو حق الماركه يصير كشخه كننا مشفح
ولو وحده لابسه مرتب وألوانه حلوه بس مب ماركه تطلع قرقر .. ما أتذكر قبل 10 سنين كنا نفكر كذا أبدا .. وأكبر دليل على هالشي ان السعودية إذا جت تشتري شي ماركه معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركه الفلانيه ... حتى الصغار صاروا لازم يلبسون ماركات لو سمحتوا والمشكله الأعظم انه تلقين البزر توه ما فقش من البيضه ويقول ترى البولو حقي من رالف لورين!؟
ليه البنات بايعين صورهم بتراب .. مسنجر .. فيس بوك ... تاقد .. وغيره وغيره .. يعني خلاص إذا حطيتي صورتك صرتي مودرن وكول ؟ وإلا كلش كوم وإذا جت وصورت يدها ولا رجلها ولو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك ولا الشنطه؟ ما أدري نضحك على تطليع اليد ولا الشنطه !؟
ليه البنات بالمنتديات سبحان الله أكثرهم مصيفين بباريس وعندهم كلب ( لو سمحتوا ترى البسه موضه قديمه) وسياراتهم مرسيدس وينادون أبوهم وأمهم بابي ومامي ؟؟ ترى مره صدقناكم !!
ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب ورتبي نفسك شوي ما أقول لا بس تجين بروج فوشي ولا مناكير أحمر ... استحوووو خييييييييير
ليه الوحده تقعد الليل كله لميييييين تطلع الشمس عالنت وتستخسر انها تصلي 10 دقايق قبل الفجر تدعي ربها فيها ؟؟
ليه الوحده صارت كل ما كبرت تكشيرتها وناظرت الناس بطرف خشمها صارت رزه و واو .. والوحده اللي تسلم على اللي ما تعرف ولا عالأقل تبتسم قدامه مخفه ولا معجبه باللي قدامها ... الرسول نفسه اللهم صلي وسلم عليه قال وتبسمك في وجه أخيك صدقه .... بس فيه أحد يسمع ؟؟
ليه الوحده إذا انعزمت على زواج صديقة صديقة صديقتها تدفع 500 1000 أو أكثر بعد على تسريحه بتقعد ثلاث ساعات هذا إن طولت بالزواج وتستخسر تدفع 100 ولا 200 على صدقة ؟؟ الناس قاعدين يموتون جوع وحنا قاعدين نضيع فلوسنا على حاجات سخيفة
ليه بالزواجات كل وحده تناظر الثانية من بعديد وتقول ماني قايمه أسلم ليه ما هي تجي تسلم علي ؟؟
المشكله لو تسألون أي أحد عن للي صاير بيقول انه مو عاجبه الوضع بس كلن يجاري الثاني ويقول مابي الناس يصيرون احسن مني انا وش ناقصني بعد. لازم أحد يبدا ويسوي شي لأن الوضع صاير من سيء لأسوأ
متى بنغير اللي قاعد يصير إذا كان الكل ساكت ؟؟
م من ايميلي
يلزم عليك تسجيل الدخول أولًا لكتابة تعليق.
نانا القصيم
•
للأأأسسف هذا مجتمعنــأأأأ
ماشاء الله كلااااام جميل جدا واتمنى نطبقه بكل حذافيره
لانه فعلا صار تكلف بين الناس
وين البساطه
ودي اعلق على كل سطر من حلاوة الكلام
ايو والله الي تبتسم يقولوعنها مخفه اللحين سلمي وانتي مكشره يحترمونك الله المستعان
الله يجزاك خير اختي على النقل وموضوع يستحق التثبيت
لانه فعلا صار تكلف بين الناس
وين البساطه
ودي اعلق على كل سطر من حلاوة الكلام
ايو والله الي تبتسم يقولوعنها مخفه اللحين سلمي وانتي مكشره يحترمونك الله المستعان
الله يجزاك خير اختي على النقل وموضوع يستحق التثبيت
والله كلامك بالصميييييييييييم
جد هذا مجتمعنا
احس كل ما مشى الزمن زاااااادت سخافة الناس
انا استغرب من بعض الناس اللي تجاري الموضه بالهبل ومو مهم يكون حلو او لايق عليها اهم شي الماركه وااااضحه علشان الكل يشوفها
ولو فكرنا ثانيه لوجدنا ان اي قطعه لها ماركه يعني تجيك رازه نفسها وتقول شنطتي ماركه ليش قد صنعوا شي مجهوووول !!!
والله جد المجتمعات صايره بايخه ومااااصخه وكلها انا الاحلى انا اللي اعرف كل شي والناس اغبياء وتروحين وترجعين وانتي والله مااستفدتي شئ بالله هذا شي ما يحزن الناس وصلوا القمر واختراعات وتقدم وعلم وحنا همنا ملابس و فلانه وعلانه وش قالوا عني
ليييييييييييش
مانصير اعلى من كذا نتقدم نهتم بأسلوبنا بدال ملابسنا نهتم كيف اوصل رسالتي بطريقه لطيفه
مو اهم شي انها تكون الافضل والارقى
ووالله لوتكلمينا قاااااااااااامت الدنيا ولم تقعد
معلييييييييش طولت لكن والله اني مقهوووووره من مجتمعنا ....
لكي ودي
جد هذا مجتمعنا
احس كل ما مشى الزمن زاااااادت سخافة الناس
انا استغرب من بعض الناس اللي تجاري الموضه بالهبل ومو مهم يكون حلو او لايق عليها اهم شي الماركه وااااضحه علشان الكل يشوفها
ولو فكرنا ثانيه لوجدنا ان اي قطعه لها ماركه يعني تجيك رازه نفسها وتقول شنطتي ماركه ليش قد صنعوا شي مجهوووول !!!
والله جد المجتمعات صايره بايخه ومااااصخه وكلها انا الاحلى انا اللي اعرف كل شي والناس اغبياء وتروحين وترجعين وانتي والله مااستفدتي شئ بالله هذا شي ما يحزن الناس وصلوا القمر واختراعات وتقدم وعلم وحنا همنا ملابس و فلانه وعلانه وش قالوا عني
ليييييييييييش
مانصير اعلى من كذا نتقدم نهتم بأسلوبنا بدال ملابسنا نهتم كيف اوصل رسالتي بطريقه لطيفه
مو اهم شي انها تكون الافضل والارقى
ووالله لوتكلمينا قاااااااااااامت الدنيا ولم تقعد
معلييييييييش طولت لكن والله اني مقهوووووره من مجتمعنا ....
لكي ودي
الصفحة الأخيرة