بــنــت عــمــي اللى خــذلــتــنــي ..... وش الحــل مـعـهااا؟؟؟

الله يرزقك بالذريه الصالحه يارب

ياقلبي ليش فهمتيها انها ماتبي تقول لك انها خايفه من حسد يمكن حست ان الموضوع بيجرحك لانك متاخره بالحمل
ثانيا ياقلبي عزيمة ابوك لازم تحضرينها هذي عزيمه ابوك فشله ماتروحين حنى لو كنتوا معزومين اوبتقولون كذا لانه الاولى تروحين لبيت ابوك
والله يرزقك الذريه الصالحه

تصدقين عاد .. توني اسولف مع زوجي على الفطور .. عن الناس اللي ينكبونك لا ويتشرهون بعد ..
لانه يقول ليش ما باركتي لفلانه ؟؟ ان امي واختي راحو لها امس ويقولون لها 25 يوم والده ... قلت مو لازم ..
انهبل قال ما تستحين انتي ... قلت الا استحي الحمد لله بس خرابيط الحريم ما تعرفونها يالرجال ..

وقلت له من حملت وهي تقول لي حملت بالغلط ..ما ودي.. ما ابي ..وطول الوقت قرفانه ومعها مناديلها << يرحم ام التمثيل .. حركات سخيفه وغبيه .. كل حملها تروح زواجات وترقص وتستهبل واذا شافتني قلبت الموجه ..
وحتى يوم ولدت ولا كلفت نفسها رساله تعلمني .. مع العلم انها من النوع اللي ترسل لي اذا احتاجت شي .. اخرتها آخر رمضان كل شوي تدق تبي ارقام خدامات .. بعدين ترسل لي وين المحل الفلاني .. وتعجز ترسل انها ولدت .. !!

طولت بالكلام علشان تدرين انها مشكله شااااااااااااااائعه مره مره ..


شوفي بخصوص العزيمه .. اكشخي وروحي وارفعي راسك وخشمك بعد وخليك بارده بسلامك لا مقهوره ولا مكشره
وعديها وحده ما تعرفينها .. انتبهي تبينين لها انها قاهرتك بسخافتها.. بالعكس بيني لها انها حالها حال اي زميله فترة صداقه وراحت وخليك رسميه ..

انا مجربه هالطريقه كلهم الحين يجون لأمي يقولون لوّلاّ شفيها علينا << صح النوم يا حلوات .. بالعكس ارتحت منهم بس اجامل واسلك واحاول اتواصل معهم بطريقتهم هم مو بطريقتي .. مع هذا ما نفع .. وربي هم وانزاح ..

بالعكس انا فرحت لك انها جت منها وتقدرين تنسحبين بدون محد يلومك .. اصلا هالاشكال العلاقات معهم متعببببه ..


وموفقه خير يا قممممر .. ولازم تروحين وتكشخييييييين لااااااااااازم ..:cool:

وين المشكله؟ روحي عزيمه أبوكي وستانسي ولا كأن شي صار وإذا بنت عمك فتحت معاكي الموضوع سوي شغل الإستعباط وحركات النص كم أي سؤال تسألكي إياه قولي ما أدري حتى ولادتها قولي والله ولدتي ؟ وش جبتي ؟ مبروك وغيري الموضوع وإذا تواقحت وتكلمت بصوت عالي قدام الحريم تسألك نصيحه مجرب لفي على وحده من الضيوف وسأليها عن أحوالها أو كلمي إختك صدقيني راح تسكت وتنطم ولا راح تتكلم دام إنها خايفه الحسد والعين الأفضل إنها ما تتكلم وما تتفلسف شدعوه يا حافظ كلنا تزوجنا وولدنا ما سوينا مثلها

من عافنا عفناه لو كان غالي 00000
هذي تعاملك على اساس انك قريبتها موصديقتها يعني انت بعد طنشي حركاتها وبالعكس روحي عزيمة ابوك ولا تعطيها اهتمام وحاولي تشغلي نفسك مع اختك او اي احد واذا عاتبت عليك همشيها وعطيها كلامك ببرود كان مافي شي بينك وبينها لانه باين ان عندها مشكله في شخصيتها كان الله في عونك00000