كيف الحال حبايبي بنات عالم حواء
انا جايه بشتكي هالمره وابيكم تنصفون وتقولون الحق
انا زعلالالالالانه حيل حيل حيل
من وحده اجرمت فيني
تبون تعرفون ليه
لاني زدت كيلوااات مدري من وين نطت هالزوائد فيني
قلت ياربي كلها اسبوع بسم الله وكذا اصير اجل لو اجلس شهر وش بصير اشارك في الرابح الاكبر اللهم ياكافي
ما علينا خلونا اول شي نلقي القبض على ام الاجــــرام شيهانة الخير
تبون تعرفون ليه لانها ضحكت على واغرتني بكريمه تبيعها وانا صداقه طوالي درعمت براسي واشتريت كل الانواع اللي عندها
وكل ما شفت واحد من عيالي مختفي انزل المطبخ طوالي الا هو جالس ماسك البسكوت وهاتك يا تغميس في الكريمه مع اني ماني مقتنعه انها كريمه هي شكولاته بنكهااات مثل نوتيلا بس ما الومهم
امهم قبلهم كل ما اختفت ينزلون الا انا جالسه ماسكه العلبه بيد والبسكوت باليد الثاني وكل ما جيت بطلع من المطبخ اتحسف اقول بس غمسه وحده بس وحده ههههههههههه خلص بكت البسكوت وانا على هالغمسه
ادري هذريت عليكم واجد بس الشكوى لله ما اطلع نوال اذا ما هذريت
نجي للمهم
طبقنا اليوم بابل كوكنت
هذا سلمكم الله كنت بسوي زي الكب كيك وازينه واحشيه يقالي حركتااات
جيت بطلع الكيك من الصينيه ويحلف ما يطلع ياناس يا عالم عندي ضيوف وش ذا الفشله والله وتحلف الكيك ما يطلع <<<يا خيبتك يا نوال
واروح واقص المنتفخ في الكيك اعجبني شكله قلت كل شي ينفع في هالزمن الا والله طلع شكل مرتب معااي قلت يالله نعتمده قاعده للحلى المبتكر هههههههههه وكعادتها نوال خانم تخبرون بابل موسي كان من الدماغ
وارجع واشيل القاعدات واحطها بباديه عاد تعالو نتعرف بالصور واكمل لكم بين الصور
هذي الكريمه بنكهة جوز الهند بس لذيذه بالضبط بالضبط مثل رافيلووو على قولة ولدي اذا اشتراه لا يماما لا تاكلينه الين يطلع القمر هههههههه ومن جده على فكره يتكلم
هنا سلمكم الله الصينيه بالفرن عاد اول شي فرحت شكلها مغري شكلي انا اللي صكيتها بعين لصقت بالصينيه هههههه مهي بعيده
والثانيه بعد ما شقرت والثالثه بعد حب خشوم عشان تطلع ولا طلعت وشلنا فقط الجزء المنتفخ
هنا يا حلوات عالم حواء مسكتها قلبتها ودهنتها بكريمة جوز الهند بس نصيحه المره الثانيه كثروو شوي مو زيي لا كثروو عشان تنقط وانتم تاكلون يميييييي ههههههه
هنا جبت القاعدات اللي ما طلعت الا بالطقاق و فتتها بيدي لانها مرررره هشه وحيطت عليها كريمة جوز الهند وشوي شيره و شكولا بودره قلت فشله لازم اسوي حركه ولون واكشن وبعدين حطيتها في قمع التزين مثل ماانتو شايفين
طبعا بتسئلوني ليه الشيره ههههههههههه بقولكم هي اصلا والا بعدين نهاية المسلسل
التزين ما لقيت غير اني احط 3 خطوط تروني احب رقم 3 في التزين والزخرفه بس بالارقام احب 4 مدري ليه
هنا بعد ما خلصت زينت الحواف بجوز الهند المبشور او الكوكنت واللي استمدينا منه الاسم
هنا حنشوف كيف شكلها لما يرفعها الضيف بتكون مقوسه من تحت وشكلها مرتب وتغير عن المعتاد <<< تبي ترقع مصيبتها بس خلاص انكشفت الاوراق هههههههههه
وهنا بعد ما الشاطره اللي تعرف الكلمه قلتها في موضوع سابق بالضبط براافو عليك بعد ما قرمناا منها قرمه شيفين كيف طريه وشكلها مغري
هنا شكلها بالصحن تزاحم اختها الثانيه
وهنا بعد القرمه الثانيه صدقوني حالوت قدر المستطاع اني ما اخلص الصحن على الضيوف لكن شوفو كيف الكريمه تسيل يا ربيييييييييييييييييييييييي انواع التعذيب لكن المره الثانيه كثرووو بس وزعو مناديل والله لذيذه
هذا الصحن كنت لا احد يناظرني غمضوو عيونكم بصراحه بصراحه كنت شايلته علشان اسهر عليها الفجر مع بقية القهوه اللي عقب الضيوف بس عاد ماشاء الله راح مع الضيوف اعجبهم وحلفوو يشيلونه قلت هني وعااافيه
عاد اقولكم سالفة هالحلى وسالفة الشيره
هذي اصلا طريقة دونات تتسوى بالة الدونات الصغيره وبعد ما تطلع من المكينه دايركت تنجط بالشيره وبعدين تتغمس بجوز الهند
انا ما عندي الاله قلت مهي مشكله اعملها بالصينيه هذي واغمسها بالشيره شويه واحط عليها كريمة جوز الهند وارشها بجوز الهند
شفتو المراحل اللي مرت فيها 3 انواع حلى الين رسينا على هذا بس بركه انه رسينا في النهايه
فانتم سوا اي طريقه للكيك بس حطو مع الخلطه جوز هند وبس وجيبو هالكريمه لان السر فيها بصراحه وطبقوو وصدقوني راح يعشوقنها ضيوفكم ويشيلو الصحن معاهم
والف هني وعافيه بس والله اجرام
على فكره الكريمه من عند التاجره شيهانه الخير بدفعها قيمة اشترك في نادي عشان انحف بس اصبروو علي
اعداد وتقديم
نــــــــــوال
; )
ههههههههه
اضغطو على تكبير الصوره عشان تشوفون كل شي
تسلم الايادي شكلها يمي يمي