السلام عليكم
رمضان كريم
للعوائل الصغيره والموظفات والا تشتري الخضار وتخيس عندها وماتعرف الا ترميهم هنا بعون الله بنفرزن كل شي... وبنبداء بالخضار وكل ماحبيتى تطبخي من الفريزير الى الجد وكم دقيقه وحطيتيه على النار وعلى صلاتج وعيالج واختصار الوقت عظيم
وببداء بعون الله افرز لكمم اشياء انمجربتها وناجحه 100%
انا ماعندي فى البيت الا ولد 5سنين ونص وبنوته برمضان بتكمل 4 شهور ودوم اشتري الخضار ومايكمل اسبوع الا رميت النص والحين لالا كل شي افرزه حتا الموزززز
براويكم صوره لمفرزاتي ماتاخد مكان بالفريزه وبنتكلم علي كل وحده بحده
ببداء بالجزر
اول شي لازم الجزر فرش ومغسول ومجفف منه الماء وعلى طول تبشريه او تقطعيه مكعبات ع حسب احتياجك وهنا بالخطوات
وها البشره الكهربائيه واذا ماعندك خليه بالمبشره اليدويه والا موجود يسد
ونبداء نجهز بشو بنفرزن
بس بالخضار انا افضل اكياس ذانت القفل لنه انا استخدم منها جزء وارجع الباجي
ونعبي الكيس كله واذا انتم عايله كبيره الكيس يكون على اسخامكم اليوميه يعنى حطي فيها الكميه الا بتستخدميها فى الاكله الواحده..
واهم شي انه لازم تضغطي على الكيس وتخلي الكل فيها مسطح وتفرغي الكيس من الهواء وسيده الفريزه
ونكتب اسم الا فى الكيس لنه ممكن تختلف عندج الاكياس او لما تطرشي حد يبلج الاكياس بيقراء الاسم
واذا حابه تحطي تاريخ الانتاج خخخخ
وهذا لليوم وهذا الجزء الاول
وملاحظاتي :
لازم نفرغ الكيس
الخضروات جافه من الماء لنه هو سبب تلف المفرزات.
عند الاستخدام خدي الكميه المحتاجها وردي على طول الفريزه
لاتذوبي الخضار قبل استخدامها من الفريزه .
واي استفسار حاااظرين
دعواتكم لوالدي بالشفاء
*تابعوا الموضوع الجديد فى الصفحه 3*
*تفريز صلصه البيتزاء صفحه7*