بفرش سجادتي بالثلث الاخير من الليل والله نازل لسماء الدنيا وبدعي للي ترد علي

السلام عليكم

كيفكم..
بختصر لكم لاني اكتب من الجوال..

اخواتي انا بدخل 30 ومو متزوجه.. المهم اعااااني من فراغ عاطفي كبير جدا.. انا حنونه حييييل. المهم كل اللي حولي بنات عم صديقات قرايب تزوجو. انا صرت استحي.. احيان ابوي يقط علي كلام... وابوي الله يطول عمره شاايب..

المهم انا من نوع حنووووووونه ومحتاااااجه للحنان.. واحيان تمر ظروف علي. خلوها ع ربي...
تقدم لي واحد من معارف اخو صديقتي.. هو مطلق وعنده بنت عمرهاا 6 سنوات. و ولد عمره سنه.. والخاطب عمره 30 هو ساكن بمدينه غير عني. وعياله عند امه.. صديقتي تقول ان طليقته تبي ترجع له وهو رافض وهو طلقها عشان مااتهتم ابد بالعياال ولاتهتم فيه. كم مرا تطلع من البيت وهو يرجع يلاقي الطفل ابو سنه لحاله بالبيت...
وطليقته يقولون ماتجلس تروح وتجي...


اخواتي صديقتي تقولي استخيري.. وانا ماادري.. وهو عسكري.... فمااادري.. خواتي انا مثل اي بنت اتمنى حياه مستقره وابي احد يحتويني وابي استقر نفسيا وعاطفيا... وماجاء في بالي اخذ او افكر في رجال مطلق عنده عيال.. بس هالشخص سبحان الله فكرت مدري ليه.....

انا اخاف ماادري وش اقولكم. انا مااعرف ولاجربت الزواج انتو وش رايكم. هل اخذ واحد عنده عيال؟؟ انا اهم شي عندي انسان يخاف الله ومستقيم وحنون وكريم وطيب.. واخااااااف اكبر بالعمر ومحد يتزوجني..

انتو اخواتي وابي رايكم...

لاتقولون لي غريبه فكرتي بواحد عنده عيال... انا مستغربه من نفسي اني فكرت يوم صديقتي قالت لي..
ماعمري فكرت بواحد عنده عيال بس هذا مدري وش اقولكم.. احيان انخطب لعزاب بس ربي مايتممه ووقتها ماافكر او استثقل او تجيني ضيقه.. وهم عزاب بس هذا مدري ليه فكرت . غصب عني....

انتو وش رايكم بسالفه واحد مطلق وعنده ولد ونت وعايشين عند امه.. انا قلت لو ربي،كتب بشرط العيال مو عندي. عشان مااظلمهم.... ودي يكونون عند امهم....


انا محتااااااجه لله ثم لكم.. هل اسكر السالفه مع صديقتي والا افكر بالموضوع و اوفق. رغم اني مااستخرت قلت لصديقتي تجيب معلومات اكثر...


انا اختكم الصغيييييييره ماجربت الحياه الزوجيه فماادري ابي رايكم....

والله احبكم ياقسم الاسريه احسكم اسره وحده. وانا منكم لاتخلوني ابي رايكم...

اللي بترد علي راح ادعي لها بصلاه الليل..