بفصل مطبخ عند محل ودفعت العربون وباينه من اولتها

ودي مره اشوف وحده فصلت مطبخ وجاء مثل ماتبي الا يكون فيه نقص ولا يلعوزونها بالوقت 🤦‍♀️


غلطتك ماقريتي العقد اللي مكتوب بالعقد وموقعه عليه لازم تنفذينه

والله المشكله بوزاره التجاره انا احسبها مسيطره على الوضع وها التلاعب ما يكون بها البجاحه
نيتي زينه ما توقعت ها الخبث لا كن نيه ها اليمني مو مرتاحه له اذا طلع مو تمام اشتكي وزاره التجاره ولاكيف ولا الشرطه وين اللي ياخذ حقنا 😭

قبل شهرين تقريباً طلبت من متجر مشهور غرض بس طلبته من موقعهم اونلاين و وصلني الغرض فيه عيب مصنعي وحاولت اتفاهم معاهم يستبدلوه مااستجابوا ولا يرودوا علي
فقدمت بلاغ عن طريق موقع وزارة التجارة والحمد لله جاني حقي اخذوا اغراضهم ورجعوا فلوسي

فانت قدمي بلاغ واكتبي كل اللي صار معاك
بس قبل ماتقدمي كلمي العامل بالمحل انك خلاص تبغي تكنسلي الطلب واطلبيه فلوسك لو مااستجاب بلغي


وان شاء الله يرجعلك حقك شوفي من هنا اختاري خدمات المستهلك وبعدها اختاري استقبال بلاغ تجاري
https://mc.gov.sa/ar/pages/def...

انا للحين ما شفت شغلهم توي امس دفعت العربون بس كان كلامه قبل العقد ابشري حاضر وبعد العقد قام يتفلسف وما يصير

والله اصبحنا في زمن غش وخداع ونصب ويل للمطففين انت عالاقل محل مطابخ انا نصبت علي طبيبة اسنان فرت راسي بكلامها وبدت حكت اسناني بدون ما اوافق وحطتني امام الامر الواقع واضطريت اوافق تسويلي عدسات اسنان قالت لازم تدفعين الان المبلغ كامل وانه من بكرة ينتهي التخفيض وما ينفع عربون واعطيها 10000 ريال دفعة وحدة ويوم رجعت البيت حسيت نفسي مقهورة حكت استاني وانا محذرتها ما تحكين وبعد عطيتها المبلغ كامل ورجعت من بكرة قلت ابكنسل ورفضت طبعا رحت للمدير فواز العتيبي للاسف انه ولد قبايل وقال ولا يهمك واناخوك اللي تبين ان حبيتي اغير لك الدكتورة او تحولك لفرعنا في مدينتكم وان بغيتي خذي فلوسك ،، قلت الله يجزاك خير ابي الفلوس ويكتب لنا ورقة وقال رح للمحاسب وكذب علينا ان النخويل يبغاله مدة ويوصلكم وخلاص سافرت عيادتهم في جدة عيادات المسواك فرع حراء الله لا يسامحهم دنيا وآخرة ،،، ومن يومها اتصل انا وولدي يا اما يخسرنا ما يرد او ان رد يوعد ويكذب مرة يقول الان اروح المكتب واكلم ويسكر الخط ولاعاد يرد ومرة يقول المحاسب مو موجود اذا جا احولك ويكذب جعلها تشب عليه في قبره ،، واحد شبعان مغنيه الله وولد قبايل وش له ومال الحرام حسبنا الله عليهم وحتى الصحة قدمنا فيهم شكوى قالو مالنا في الامور المالية حلوها بينكم