بفضفض لكم ... انصحوني ولكم دعوة بهالايام الفضيلة

مدري من وين ابدا الموضوع ملخبط وفيني كلام كثير ابغى افضفض لكم فيه وجهوني
اللي يعرف مواضيعي السابقة بتعرف حياتي لو بعض منها محد فاهمني حتى اخواتي يمكن وحده مرت بوضعي او اذا غلطانة تنصحني
زوجي ما عنده اصدقاء ابد كل وقته بالبيت من يفطر لاذان الفجر جالس بالغرفة لا يصلي تهجد ولا يصلي بالمسجد كل صلواته بالبيت وبس يدقق بالاولاد ويعصب البيت متوتر وهو موجود غير وجوده يقيدني لا اسولف مع اهلي واخواتي
وبحكم ما عنده اصدقاء او باختصار ما يحب يعزمونه اخوياه ويرفض لين ملو ماصار احد يكلمه
وبكذا لازم اجلس معه واسولف معاه واجلس معاه ومافيه سالفة بحكم وجوده بالبيت دايم غير صراخه على اولادي في الجلسة لين نتهاوش ونتزاعل
يعني احس ملتصق فيني لابعد حد وهالشى يجببلي ضغط مو طبيعي تخيلو عنده اشغال للبيت لها شهور ما سواها
اللي ما جربت الوضع بتقول حظك بس اللي مرت بوضعي بتعرف وش اقصد
تخيلو امي جتني وكل وقته بالمجلس وبس يناديني تعالي اجلسي معاي واجلس معه مافي شى جديد كل كلامه عن المادة والفلوس وانه مضغوط هالموضوع من سنين كل جلستي معاه من اول زواجنا عن الفلوس يعني طاقة سلبية الله يهديه صار عندي نفور منه مو طبيعي بهالتصرفات
قلتله مقدر اجلس معك طول الوقت اهلي عندي اذا راحو افضى اجلس معك اطلع اتمشى معاه نفس السالفة الصرفة والفلوس
صرت احس بكبت وعصبية منه طول الوقت وكرهت الجلسة معاه والله
ترى وضعه قبل الحجر وكورونا كان يروح ويجي بس من جات كورونا ما يطلع الا معاي ولا ما يطلع
يكلموني صديقاتي اطلع معهم يتضايق او يقولي اعتذري او يتحجج بالفلوس
وهذا غير الفلوس تهمه بشكل مو طبيعي اشوف اخواني واللي حولي وضعهم اسوا منه بس يحبون الحياة ويطلعون احس وضعه اوفر صار اي سفر لاهلي او طلعة مع صديقاتي او نزلة سوق اشيل همها من تشكيه ان ما عنده فلوس وانا لازم ما اصرف كثير يعني اكره الشى قبل اطلبه وتنسد نفسي عن كل طلعة يعني صار عندي طاقة سلبية مو طبيعية
كلامي ملخبط بس ابغى نصيحة