بفضفض لكم يا صديقاتي 😢💔

السلام عليكم
والله يا بنات ترددت كثير قبل اكتب هذا الموضوع لكن قلت اكتبه وانزله على وعسى القئ من يواسيني ويطبطب علي💔


انا متزوجة من 7 سنوات ونص وللحين ربي مارزقني بطفل 👼🏻💔


مادري وش المشكله انا و زوجي ما فينا مشاكل تمنع الحمل احترنا حاولنا بكل الطرق والسبل بس ما نطلع بنتيجه عالجنا في المستشفيات عالجنا عند مداويات سوينا جدول نقرأ سورة البقرة ونحصن انفسنا واستمرينا لأكثر من 4 شهور بس مافي نتيجه ..


لو نعرف المشكله وين كان هانت علينا بس مافي مشكله تمنع الحمل سوينا ما ورانا ودونا ماحصلنا شي


اتعب اتعب والله لما اعرف ان قريباتي حوامل غصبن عني يا بنات ما اقصد حسد بس اغبطهم ربي رزقهم وانا للحين!
واحيانن توصل اني اغار منهم 😢💔
وش اسوي والله ماني مثاليه بس هذا شعوري لا تجي وحده تقول افرح لها مثل ما افرح لنفسي!!
كثير تزوجوا معي وبعدي ومعهم الحين طفلين و 4 اطفال ما شاء الله تبارك الله الله يحفظلهم ذريتهم ويبارك لهم فيها


تكفون ماني ناقصه تجي وحده تقول نظفي قلبك وطهريه وعقميه ، او افرح لقريباتي اذا حملوا مثل ما افرح لنفسي ما نبي مثاليات


اصلا ماعرف عن حملهم الا متأخر او اذا ولدوا وحتى اسمع من الناس مب انا الي ادور وراهم من حملت ومين ولدت
لاتفهمون غلط بس غصب اذا عرفت عن حمل وحده يضيق صدري وتصيبني كأبه فترى لين وتقبل الوضع وتروح


العمر يرككض امس عروس والحين لي قريب 8سنوات زواج
عمري الحين 30 راحت 7 سنوات من عمري بدون اطفال ومادري متى احمل بضبط
اعرف توني صغيره والعمر قدامي ، ابي الحق طفل طفلين اكبرهم ما يجي عمري 40 الا هم ابو 9 و 8 سنوات


والله ما جيت اقلب مواجعكم بس فضفضه تعبت والله
كذابه الي تقول اهم شي زوجك يحبك ومراعيك ومعك
حبيبيبيتي زواج بدون اطفال حتى لو الزوج من ذهب واحسن منه ما فيه ... ماعتبره زواج لان الذريه زينة الحياه


اسفه اذا طولت عليكم بس هم بقلبي وقلت اقولهم دامكم تقريبا بنفس معاناتي وكلنا خوات وحاسين ببعض
الله يرزقنا الذريه الصالحه عاجلاً غير اجل يارب الله يفرح قلبي وقلوبكم معي 😢❤❤