الله يجز اك خير ونصيحه لاتستني الأجر الا من الله خاصه الاب اذا انتي  حاطه في بالك انه بيرد لك جميلك مع عياله لام اغلب الرجال اللجين جاحدين

انتي تعتبرين كافله ايتام

ياحظك بالاجر

بتكلم معك بكل وضوح وصراحه ...
ان ضليتي كذا ابي وابي وابي
صدقيني انتي في النهاية بتخسرين
تروح احلا ايامك وانتي تفكري بس كيف تعيشين لحالك
دام زوجك مو طايعك بهالشي ولا قدرتي عليه
خلاص اختاري طريق اخر وهو انه تعيشي مرتاحه
اقنعي نفسك وحاولي تفكري كيف تخلين هالاولاد هم احلا شيء بالنسبة لك
يعني سايسي الحياة .. ان مامشت مثل ما انتي تبغين
خلاص خليها تمشي مثل ماتبغى بس بطريقة انك تكوني راضيه وتبسطين نفسك..
انا معك ان الاولاد هم وغم ومسؤوليه
وربي ولدي وهو ولدي اني احيااان ما اتحمله اجلس اصيييييييييييح من شقاوته
وهذا هو ولدي .. مع العلم اني قبل اتزوج اموت بشي اسمه اطفااال
الحين لمن جربت المسؤوليه .. صرت ما اتحمل بزران ابد ابد ...
لكن وش تسوين حاولي تعيشين حياتك وتبسطين نفسك
هي بس جاتك سفرة ارضي فيها بوجود بزران او غيره
اهم شيء تطلعين وتغيرين جو ...
يكفي انهم بدون ام .. صح ماراح تكوني لهم مثل امهم مع انك باين انك حنونه عليهم
بس يمكن حتى خالتهم ماتتحملهم .. مو معناته خالتهم خلاص تتحملهم
ويمكن زوجك مايحب يرمي عياله ومسؤوليتهم ع احد
انتي زوجته وتمونين عليه ..
فكري فيها بالمستقبل .. راح تكوني لهم ام ويتعاملون معك بكل طيبة واحترام خصوصا راح تكون انتي اللي ربيتيهم
يعني ماراح يطلعون عن تربيتك ..
وراح يكونون اخوان لعيالك ..
فكري فيها السنييين تركض تركض
تبين عقب 15 سنة يكون بينك وبين عيال زوجك مشاكل ويحقدون ع عيالك
ام تبغين حياة صافيه ...
ادري انك تتعاملين معهم بكل طيبه وان المشاكل بعيده بس لاتنسين الشيطان ...

والله والله كل وحده ردت عليك هنا وانا اولهم انه الحياة ماجت ع مابغينا ..
خصوصا بعد الزواج ..
عني انا صارت مشاكل وضقت وحالتي حاله وبالنهاية وربي طلعت انا الخسرانه
خسرت انه عشت ايام احاول اغير الحياة بس لاحظت انها تتغير للأسوأ ..

فقلت ليش اعور راسي .. ان مشت الحياة مثل ما ابي زين وان مامشت بسلاااااااااااااامتها
اعيش حياة صافيه احسن لي ....

وبسسس طولت عليك بس هذي نصيحتي:pinklove:

الله يسخرهم لك يارب وباين عليك تخافين الله فيهم هم مكسورين امهم ميته صدقيني اذا شافك مهتمه فيهم رح يشيلك فوق راسه ومن ناحية السفر حاولي تفهمينه بأسلوب حلو انكتتمنين تسافرين معاه بس ماهو ضيقه من عياله مجرد شهر عسل جديد زتغيير لكم وعياله سفره ثانيه مثلا عطلة الربيع يعني انتي ادرى بشخصية زوجك حاولي توصلين الفكره من غير مايتصايق او يشك بشي لان الشيطان حريص وربي يسخره لك ولاتنسين الاستغفار وارمي حملك على الله ربي يوفقك

وعليكم السلام ورحمة الله وبركاته

أولا أحب أهنيك على هالميزة اللي ربي أكرمك فيها قال عليه الصلاة والسلام (أنا وكافل اليتيم في الجنه كهاتين وأشار إلى السبابة والوسطى)

ثانيا من الطبيعي حياتك بعد الزواج تتغير وتزيد المسؤليات وأنتي من البداية رضيتي بالأطفال فلازم تتحملينهم إلى النهاية

حاولي تعاملينهم على أنهم أطفالك

ربيهم نظمي أوقاتهم جيبي شغاله شوي شوي بتتعدل أوضاعك بس أنتي أخلصي النية وأسألي الله العون وربي كررررريم

بالنسبة لزوجك أكبر غلط تقولين بنسافر وحدنا شخص أرمل معاه أطفال أيتام وأنتي بس ربي يكرمك بطفل بإذن الله بتعرفين قد أيش الضنى غالي زوجك مو مثل زوج صديقتي حطي هالشي ببالك

ممكن تطلعون تتعشون تتمشون مره بدون الأطفال بس مو معناته هذا الواجب أو هذا اللي المفروض يصير

أغبطك على كفالة الأيتام من كل قلبي أتمنى أربي يتيم