بفضل الله أنا حامل

السلام عليكم ورحمة الله وبركاته

الحمدالله ياخواتي حبيت أبشركم أنني حامل باذن الله ..

وسبحان الله ماتوقعت مرة لأني من فترة وأنا أنتظر وماخليت شئ الا وجربته والنتيجة مافي شئ ..

طبعا لما رحت للدكتورة وحللت طلع عندي نقص في هرمون البروجستون وقالت لازم تجي وتاخذي منشطات ومدري ايش المهم طنشت طبعا هي أعطتني وصفة ( عسل + حبوب اللقاح + حبة سودا ) وجربتها اثناء الدورة واستمريت عليها يمكن اسبوعين ..
وشربت اثناء الدورة ( عشبة المدينة ) مرة وحدة بس ودوامت على البردقوش واليانسون .. وفي اليوم السابع كنت اشرب معاهم ميرامية لحد يوم 14 بعدين وقفت ...

طبعا أتوقع السبب في الحمل هو الدعاء ثم الدعاء ,,
تصدقون اني في يوم عرفة وبعد آذان العصر صليت العصر وفي السجود طبعا كنت صايمة دعيت الله بالحاح ومن قلبي انه ماينقضي هالشهر الا وانا حامل ,, سبحان الله من ذيك اللحظة شئ وقر في قلبي ان الدعوة استجيبت ,,


طبعا بعد مرحلة التبويض تقريبا باسبوع بديت احس في اسفل بطني على اليسار مثل الغازات أو الفقاعات ,, واستغربت لآن هذي ماتجي الا في الحمل ,,
والا لاحظته الأعراض المبكرة جدا ,, هو المعدة كل ماكل شئ احسه يتعبني في بطني والغازات ( لله يكرمكم ) بهذلتني ,
والنوم ظهر علي لدرجة اني انام فترة طويله ,,واحيانا كانت تجيني نغزة قوية في اسفل بطني في الجهة اليمنى مؤلمة تاخذ ثواني وتروح ..
وقبل الدورة باكثر من اسبوع جبت تحليل وظهر خطين والخط الثاني خف من بكرة وصار رمادي
وبعدها بكم يوم جبت تحليل وظهر لي سلبي
طبعا انا شلت الفكرة نهائيا من راسي قلت اكيد زي العادة ماني حامل
بس طبعا النوم زاد علي وكنت احيانا احس بغثيان خفيف وانفتحت شهيتي للأكل وخاصة الحوامض
ولما جا موعدها هي يالعادة تتقدم يومين مستحيل تجي في نفس اليوم كنت احس بالام خفيفة كأنها بتنزل في الجهة اليمنى اسفل بطني ..
ومانزلت غير افرازت شفافة الله يكرمكم مثل حقة التبويييض
وانتظر وانتظر كم يوم وفي الأخير جبت تحليل وطلع خطين ولله الحمد والحين هي متأخرة أسبوع .. والنوم هالكني مقدر اسوي شئ منه
المهم يااخواتي حبيتا فيدكم بتجربتي وادعولي ان الله يثبته ويهون علي حمله وولادته ويجعلني اولد طبيعي يااااااااارب
والله يرزق كل واحدة منتظرة يااااااارب