لكم الفضل بعد الله بأشياء كثيره ومن ضمنها التغيير
فلكم الشكر جميعا دون استثناء
عاد اللحين بدخل بالموضوع على طول
كان ياماكان.................... قصه
المهم كنت ضايق صدري من مطبخي ومابي اضييق على:arb: خصوصا ان قاعدين بشقه
عاد قعدت يوم من الايام على النت تقريبا 4 ساعات وقعدت اتصفح بعالمي حواء وكل مو ضوع اخذت شوي منه
واللحين شوفو شسويت بمطبخي وياليت تعطوني رايكم بكل صراحه واللي عنده اقتراح او اضافه تقولي .....
الصوره الاولى
هذي الفكره اخذتها من المنتدى وطبقتها بحسب ظروف مطبخي الفازات من رامز من اول موجودين عندي والرف الثاني الفازات من ايكيا ب9 ريال وحطيت عليهم الحركات الموجوده عندي اكواب كاسات يعني بعض الحركات
والصوره الثانيه...........
هذا الركن اللي اول ماتدخلين المطبخ حركة ابجوره من ايكيا سعرها 17 ريال مع شجرتين صغار من محل برافو وحده ب11 ريال ووحده ب15 ريال
هذا المجلا تحت مكسورات البيبان وجبت رجال يصلحهن ولما رحت ادورهن الا الشغاله الحلوه قاطتهم بزبالة الشارع ماقصرت هذا النظافه عندها .. عاد انا فكرت بهالفكره وسويت ستاره
اما هذول القدور البايركس خذتهم من سيتي ماكس الوانهم مره حلوه وعطت منظر للمطبخ والخلف لوحه خشب من برافو
هذال الركن عندي البلاط متكسر شوس وحطيت اللوحتين تخفي وتغير شوي من الالوان الموجوده لان بالاصل لون المطبخ ازرق وسماوي وهذول من سيتي ماكس الوحده ب 15 ريال
اللحين شباك المطبخ من تحت ستاره خيزران كان سعرها ب55 وعليها تخفيض ب44 من سيتي ماكس عليها رسومات اوراق اخضر وبني وفوقها ستاره نفس اللي تحت بالمجلا
اللحين عطيكم المنظر العام للمطبخ
الطاوله من ايكيا كان سعرها ب695 وعليها عرض ب495 طبعا هي تتكبر وتتصغر عاد هذا المقاس اللي تشوفونها جهه وحده زياده فاتحتها يعني مساحته كلها بتكون بقياس متر و95 يعني حول المترين وحطيت عليها شرشف نفس الستاره وبس
لاتحرموني من ارائكم وافكاركم
بيســــــــــــــــــــــــــــــــــــــــان