بفضل الله ثم دعواتكم زوجي رجع لي الله يجزاكم خير يارب

السلام عليكم


انا من 6 ايام كتبت لكم موضوع بعنوان الحقو علي زوجي بيطلقي والسبب طليقته الاولى


الحمدلله اليوم تكلم معاي


وقالي انتي المفروض تكونين واثقه من حالك لازم ماتكونين ناقصه هي لانها ناقصه تسوي هل حركات وتدق قالي انا اصلا تلوع جبدي من اسمع صوتها


وبنفس الوقت ابي اعرف كل شي يخص عيالي وما اقدر ادخل زوج امهم بالسالفه


لانه انا قلت له خلاص خلي امهم تقول حق زوجها وزوجها يكلمك

قالي لا مابي زوج امهم يتدخل بحيات عيالي مابي احد يضايقهم

قلت اوكي

خليها اذا تبي شي تدق علي وانا اقولك
قالي لا لانه جذي راح ابين لها انه انتي تغارين منها وافتح عليج باب انتي موقده وانتي تغارين

قالي لمن تدق انتي عندي دايم وانا ما اطلع من البيت الا للجمعيه او لشغل ضروري ومرات انتي تكونين معاي


يعني تطمني


انا يعلم الله اني ما اشك بزوجي

بس غيرتي عليه وانه تفكيري انه بيروح مني ذابحني


ولمن سالته قلت بالله عليك انت للحين تفكر فيها


قال لو افكر فيها جان ماتزوجتج جان رديت عشان عيالي وتحملتها


قالي وبعدين لمن قلت هي انظف منج وهي احسن منج وانتي ناقصه كنت ابيج تصحين على نفسج


لانه نفسيتج كل مالها قاعده تنزل وانتي متعبه نفسج على الفاضي


قالي ابيج تردين تلبسين لي وتحطين مكياج لج تقريبا شهرين ماشفتج بمكياج اتذكر اخر مره كان بعيد ميلادي والله جذي قالي وقالي بعد حطيتي مكياج وقبلها كنتي شهر موحاطه يعني صرتي تهملين نفسج

حتى لبسج صرتي بس تبدلين لبس الطبخ وتتسبحين ماصرت اشوف لبس حلو او تلبسين لي قميص بليل


انا تبون الصج بيني وبين نفسي قلت صج نفسيتي كانت مضيعتني


قالي انا مقدر هل شي وادري انه ميته عشان تجيبين عيال


بس الصبر زين اول شي عدلي نفسيتج ونستانس بحياتنا ولاتفكرين بالعيال يجون بوقتهم لاتستعجلين


تبون الصج حسيت نفسي ولا شي جنبه


قلت له انا ودي اكون بارده مثلك هههههههههههه
بارده يعني اعصابي بارده ما في شي يهزني بسهوله


طالعني طبعا كنا معصبين هو معصب وانا معصبه ومنفعله ولازم دموعي تنزل حتى لو اتناقش معاه بسرعه ابجي مادري ليه


لمن قلت له ابي اصير مثلك بارده


والله كان معصب انه طالعني

قالي اكلي ايس كريم عاد انتي كله تاكلين ايس كريم بس دايم اعصابج مولعه نار


قالي انتي بايدج تخلين اللي بينا محد يقدر يهده


قالي هي ولا شي بحياتي وانتي كل شي بحياتي حتى قبل عيالي لانه انتي اللي معاي بالبيت وعيالي لهم مكانهم بس انتي الحين صرتي قبل الكل


اول كان كله يقولي عيالي وانتي ماسويتي لي شي


بس اليوم تفاجات لمن قالي انتي عندي اول شي وبعدين يجون عيالي لانه انتي اللي وقفتي معاي بايام صعبه وتحملتي ماديتي بعد الظروف اللي صارت ولاعمرج طلبتي مني شي لانه عارفه انه ميزانيتي على قدي


والله انا ماتهمني الفلوس انا تهمني راحتي وسعداتي لمن اشوف زوجي مستانس انا استانس لانه ولد ناس ويكفي انه اخلاقه خلتني ما اقدر استغنى عنه والله العظيم


عشان جذي كنت خايفه من الطلاق لانه ما الاقي واحد يعاملني مثل زوجي


في وايد من البنات قالو انتي عندج وقت فراغ وشاغله نفسج بس بزوجج مخليته كل شي بحياتج

انا اقول الحين بغير بحياتي بطلع وبستانس بسوي لنفسي جدول واشغل حالي فيه اريح لي ولزوجي هل حل



والله العظيم اني ادعي حق كل وحده قرت موضوعي والي ردو علي والله العظيم


اقول من كل قلبي


يارب تسعد كل من دعت لي وترزقها وتسخر لها زوجها واللي ماتزوجت ترزقها بولد الحلال اللي يريح قلبها ويسعدها



الله يسعدكم دنيا واخره ويجزاكم الخير يارب


ماتتصورون اشكثر مستانسه


هههههههههه


واول شي اليوم قمت اطالع نفسي بالمرايه كرهت نفسي قلت شنو هل شكل


طبعا شكلي معفوس والدوره كانت ماثره علي


قمت تسبحت وتعدلت وعدلت شعري وحطيت مكياج وكشخت لبست بنطلون برموده وحطيت مكياج واسكسوارات


ههههههههههههههههههههههههه


احس اني فقدت نفسي لانه كنت اول ادلع نفسي لين دفنت نفسي بنفسي



بس الحمدلله رديت احسن من اول والغيره شلتها من قلبي وللابد لانه ابي اعيش مرتاحه



ااااااااااخ والله اكتب لكم وانا مستانسه حيل


اله يفرح قلبكم مثل مافرحتو قلبي لو بدعوه او نصيحه


:35:


اخر شي ادري زودتها ادعولي الله يرزقني الذريه الصالحه اللي تفرح قلبي وتسعدني وتسعد زوجي امين:27: