بسم الله الرحمن الرحيم
هديه جديده وحلوه وبسيطه وخفيفه واذا مابينت نتايجها في 5 أيام أتقبل أي رد حتى لو كان جارح
بنت اختي بيطانها سود والسبب كثرة الكريمات والعطور نبهتها كذا مره ما تحطين عطر ولا بودر ولا أي شي فيه ماده معطره ولا كيميائيه في الأبط ترى بشرة الأبط غير عطري ملابسك زين والبسيها لازم تنعدمين علشان الناس اتشمشم فيك...:024:
المهم ماابي أطول وباختصار
علبة سكينول أي نوع تبين ماانتي مقيده انا استخدمت لها الليمون شيلي منه شوي لو كان جديد وضيفي فنجان قهوه ( النوع الصغير ) شبه مطحونه
ملعقتين زيت لوز مر
ملعقة ماي ورد
ملعقتين مركز منقوع المر
ملعقة ليمون(ممكن تستغنين عنه)
وبس
اتخضينها كل ما مريتي عليها وقبل تستخدمينها .. وبقطنه امبلله منه تمسحين الأبط موعدد مرات محدد أهم شي ما يقل عن مرتين (( هي كانت كل مامرت على العلبه خضتها وحطت) المهم الكل انبهر من خامس يوم :32:...
وماراح تحتاجين اتحطين مزيل عرق
والأهم ممنوع منعا باتا تستخدمين أي شي معطر في الأبط بودرة جونسون فقط .. وانتم احرار
ركزوا على منقوع المر ترى مهم جدا في وصفاتي الجايه وبينفعكم في اشياء ثانيه ..
طريقته :
خذي غرشة ماي أم نص ريال ولا حتى كاس بس الغرشه أحسن علشان تتسكر وتحفظ بالثلاجه
حطي نصها مره وصبي عليه ماي دافي وكبيه مرتين علشان نغسلها من الغبار وعبيها مويه وخلاص احفضيها وكل مره تاخذين من المويه حقته زيديه مويه زي اللي اخذتيها وخليه بالثلاجه والله ما يخرب انا غرشتي عدت السنه في الثلاجه وانا ما غير ازيد فيها
يالله الله يحفظكم وأول ما بخلص شغلي برجع لكم
يلزم عليك تسجيل الدخول أولًا لكتابة تعليق.
الصفحة الأخيرة
ربي يسعدك