بفضل اله وحده أنا حامل

السلام عليكم ورحمة الله وبركاته
ولله الحمد أنا حامل بعد زواج سنة وثمانية شهور
طبعا كل شي سويته عشان أحمل من منشطات وابرة تفجير وأعشاب وما صار حمل ..
رحت قبل شهرين عند ممرخه اسمها أم يوسف بالرياض وقالت عندي ضعف تبويض وأعطتني أعشاب وقالت لي ماراح تحملين أول شهر يمكن تحملين الثاني أو الثالث والحمدلله حملت الشهر الثاني من الأعشاب اللي اعطتني .
الشهر الأول استخدمتها ونزلت الدورة بدري يعني في اليوم 26 ولأول مره تنزل كذا بدري والشهر اللي بعده استخدمتها ولما جاء اليوم 14 من الدورة تابعت تبويض طلع بويضة حجمها 16 ونص وقالت الدكتورة حجمها كويس بأعطيك بكرة ابرة تفجيرية ..
طبعا أنا حسيت انها صغيرة بس الدكتورة قالت كويس حجمها وتوكلت على الله وأخذت الابرة في اليوم الثاني قوتها 10000 وصار الجماع بعد 24 ساعة وكمان بعد 36 ساعة يعني يومين ورى بعضها .
طبعا بعد الإبرة ب36 ساعة حسيت بآلام الدورة وقلت يمكن هذي علامة نزول البويضة .
وأعطتني الدكتورة دوفاستون استخدمه في اليوم 19 من الدورة إلى 25 من الدورة 3 حبات باليوم .
والحمدلله بعد 17 يوم من الإبرة ما جات الدورة وحللت وطلع حمل ولله الحمد ويارب لكل مشتاقه للحمل إن الله يرزقها بالحمل السليم التام .