بفضل ربي اكتب لكم اليوم قصه ولادتي عقبالكم

السلام عليكم ورحمه الله وبركاته

الحمد لله ولدت بتاريخ 5/10/2010 قبل موعدي بيوم العاده بحملاتي الي قبل اخذ اسبوع اسبوع ونص واولد لكن هلمره بقى على العاشر يوم وبصراحه تأخرت لعده أسباب بعد الله سبحانه اني مامشيت كثير ولأني كنت اعلم الناس بموعد ولادتي واني دخلت شهري لا تقولون هلكلام تخلف والله صحيح لأن امي كانت دايم تنبهني لاتعلمين احد وكنت اسمع كلامها وكانت سبحان الله تتيسر اموري الا بحملي هذا لأني كنت فرحانه فيه حيل كل من سئل علمته بكل شي
المهم نهايه التاسع طلبت مني الدكتوره اني اسوي تخطيط كل يوم لين قالت في يوم ان النبض حق البيبي ضعيف لازم ادخل المستشفى وتوكلت على الله ودخلت وقالت ترا مانولدك بس نراقب النبض اذا زين تطلعين لين يجي طلق دخلت وليتني مادخلت على طول جابو دكتور مصري اسمع صوته من اول الممر يصارخ ويهاوش ودخل علي معصب وبرد حرته فيني قال كشف والله ان روحي بغت تطلع انا جايبه قبل مرتين محد كشف علي كذا قعد يفر يده عشان يوسع وحط شي وانا اصيح صياح اول مره ابكي كذا بعد ماخلص قال تراني حطيت تحميله طلق ولمده يومين نحط تحاميل اذا ماولدتي عمليه حسبي الله عليه حتى اسلوب مافيه المهم وطول هليومين مابقى دكتوره ولادكتور ماكشف متوحشين عمري ماشفت ناس كذا المهم معي وحده في الجناح ربي يجزاها الجنه قالت اشربي خروع ونسيت اقولكم ان الرحم عيا يفتح بس 2 سانتي ومابقى دكتور ماوسع بدون فايده اااااه كل ماتذكر يضيق صدري الحمد لله على كل حال المهم نرجع للي قالت اشربي خروع وقعدت تقنع فيني وانا خايفه طبعا زوجي في هليومين كان كل شوي يجيني حتى هو توتر لأن اول مره يصير فيني كذا واقنعني اسمع كلامها وراح جابلي وحطيته في عصير وشربته مقرف بس اغصب نفسي والله الذي لا اله الا هو ان بضرف 4 ساعات ولدت بس تكرمون يجيب مغص واسهال فضيع كنت احس اني بولد بلحمام وتندمت اني اخذته بس بعدين حمدت الله اني شربته فتح الرحم بطريقه عجيبه وعجل الولاده والله رزقني بولد بعد بنات ادعوله بلهديه حبيت افضفض لكم

خواتي في اخت لنا بالأسلام محتاجه لدعائكم ادعولها ان الله يثبت حملها ويفرح قلبها اسمها ام فهد