بفضل من الله تحمل صديقتي بسببي وانا زي ما انا

السلام عليكم..

ادخل في الموضوع دوغري وصفت طريقة للحمل علمتني اختي طريقتها لكن انا من قوة الكسل ماطبقتها وبالعام الماضي برمضان كنت اتكلم مع صحبتي ع المسن وقالت انها اجهضت وماحملت بعده لها سنه وشويه وماتقدر تتعالج لانها ماهي سعوديه ومزانيتها ما تسمح لها وانا وقتها كنت اخذ كلوميد وحكومي وحركات :lookaroun وطبعا ما افكر بالاشياء الشعبيه مستحيل اكره اي شي ينوخذ من العطار:09: المهم قلتلها خذي دي الوصفه مرا سهله تشربي ((كاسة كبيره موية حارة عالريق+3ملاعق عسل حبة البركه)) تاخذيهم لحال او تخلطيهم مع بعض وربي انها تبي تقفل مني عشان تروح تاخذ العسل من العطار واخذتهم على طول بفطور تاني يوم من قلتلها وخلصت علبتين برمضان وبالعيد سبحان الله هي حامل كلمتني قبل شهر وخبرتني انها حامل ونتتظر يومها وتقول انها دايم تدعي لي اني كنت السبب بعد الله بحملها ويختي عليها ماقالت الا لما قربت تخلف امكن خلفت ومدري عنها زعلت منهااا وماعاد سالت عنها جرحتني لانها خبت عليه المهم الله يقومها بالسلامه وعسل حبة البركه ينباع عند العطار او محلات بيع العسل تخيلوا فائدة العسل وفائدة حبة البركه واجتمعوا مع بعض

انا بديت استعمله اتحمست:icon31: اشتريت الكيلو ب35 ريال اخذته تاني يوم دوره ترى مو شرط بس انا مسويته زي المنشطات وقربت اخلص العلبه اشرب زوجي كمان يا سلام اتعذب لحالي:baby2::22:

بالنسبه لطعمه حالي مررررره بس مقبول

وبسسسس مع السلامه دعواتكم لي


العسل تطلبيه كدا (عسل حبة البركه) لونه اسود

النحل ياخذ الرحيق من ازهار حبة البركه وبكدا لونه ورائحته يختلف عن العسل العادي

يعني مو انتي الي تخلطي العسل وحبة البركه يجي جااااهز واسمه عسل حبة البركه