بفضل من الله حملت ولله الحمد

السلام عليكم

بدخل بالموضوع على طول انا جلست سنه ماحملت وبعدها حملت واجهضت وقعدت فتره طويله احاول لكن كل شي بامر الله الين عزمت اني انا اسوي لي خطه علاجي كان جانبين جانب ديني وجانب طبي وشعبي

الجانب الديني : كل يوم اقرى سورة للبقره وماتركتها ولا يوم حتى بعد الحمل حتى ايام الدوره اقراها وربي شهر وحملت 2/مويه مقريه قريت فيها سورة البقره كامله وكل يوم اشرب منها
3/ارقي نفسي كل يوم بعد صلاة الفجر والمغرب 4/استغفر الف مره 5/اصلي الشفع والوتر كل يوم وادعي

الجانب الطبي :
سويت اشعة الصبغه بعد الطهر من الدوره بيومين

جانب الادويه الشعبيه :

ثاني يوم دوره سويت وصفة التمر اللي هي سبع تمرات تحطينهم في قدر وتحطين فوقهم كاسين مويه الين يذوب للتمر بعدين تصفين المويه من التمر وتحطين على المويه ملعقة زيت زيتون وملعقه صغيره رشاد وربي بتنصدمون من كثرة الدم اللي بينزل اخذتها لاخر يوم بالدوره
2/بعد ماخلصت نن الدوره شربت ميراميه كوب كل يوم لمدة ثلاث ايام تقريبا واكل عين الجمل
وهذا كل اللي سويته

طبعا انا كان عندي هرمون الحليب عالجته مدة شهرين ونزل لكن ماحملت واخذت كلوميد وابر تفجير وربي ماكتب ذيك الفتره حتى الدكتورات يقولون لي خلي زوجك يسوي تحليل لكن كان رافض بالنسبه لزوجي :

رحت للصيدليه وجبت له غذاء ملكات النحل الاسباني استخدمه مدة شهرين
وربي بعد هالاشياء اللي سويتها حملت ولله الحمد بنفس للشهر لكن زوجي كان ياخذ الحبوب مدة شهرين

عاد قلت لازم اكتب اللي سويتها لبنات حواء عسى ربي يرزق كل من تتمنى يارب الذريه وفيه وحده اعرفها قعدت خمس سنين يقولون لها مافيكم شيق لت لها تقرى للبقره وتستغفر للف نره وزوجها يستخدم الرويال جيلي وربي شهر وتبشرني بحملها
انا ول كنت اقرى سورة البقره اسبوع واترك لكن هذاك الشهر قريتها شهر كامل كل يوم لاتتكاسلون يابنات
دعواتكم ان ربي يتمم لي خير واشوف طفلي سليم معافى يارب