انا مثل حالتك بالضبط بس بنتي تمهيدي وطول وقتي افكر بالسنين الجايه كيف بقدر اساعدها

قالو لازم تجيبي لها مدرسه لامحاله لان الامهات اللي لغتهم الانجلش ممتازه عالابتدائي ماعاد قدرو يكملو لعيالهم واضطرو يجيبو مدرسه

قلت اوكي مو مشكله اجيب مدرسه بالبيت بس ماحبيت موضوع ان بنتي تدرس شي انا ماني فاهمته؟ شلون بتابعها؟شلون بعرف اذا حلت واجباتها كل يوم او لا ؟كيف اعرف خي صادقه خلصت واجبها والا تسكتني وانا زي الهبله طبعا بصدق لاني باختصار مدري وش السالفه؟

واقول بنفسي حلات الام تتابع بنتها والبنت تحس ان الام اعرف وافهم منها ..وهذي النظره المثاليه اللي تحسها اي بنت تجاه امها

مو تحس انها افضل من امها وان امها مو فاهمه شي مع انها كبيره

قعدت طول وقتي وانا افكر ومنغثه ومحتاره بين انها تكمل انترناشيونال والا اوديها عربي ...بيني وبينك مع انه مناهجنا غثيثه لكن تظل بذاكرتنا شي حلو

استخرت كثير وبنتي سبحان الله ماتقبلت الانترناشيونال ابداااااا...قلت خيره انا يهمني تكون انجليزيتها قويه ومايهمني تدرس علوم ورياضيات بالانجلش


طلعتها وديتها مدرسه خاصه عربي طبعا و تهتم بالقران كمان جدا وعندهم الانجلش مكثف يعني منهج الانجليزي العادي +خوارزمي انجليزي


قلت كذا امسك العصا كم النص وقررت اجيب لها مدرسه بالبيت للانجليزي وافلام كرتون خليتها كلها بالانجليزي وان شالله ربي بيعين

يسعدكم جميعا وما قصرتوا بس للتوضيح بنتي تاخذ الرياضيات والعلوم وحصص انجليزي باللغه الانجليزيه وتاخذ يوميا *** عربي وتاخذ حصتين دين بالاسبوع

هل ممكن يكون مستواها بالعربي ضعيف يعني بكره لما تكبر ماتقدر تقرا كتاب عربي او تفهم مصطلحاته؟

واللي اولادهم بمدارس زي الغد الاهليه اللي قويه بالانجليزي كيف مستوى بناتهم مثلا لما توصل خامس ابتدائي ممتاز او عادي؟




ملاحظه انا يعجبني بالمدارس الانترناشونال التزامهم والله رحت لمدارس الغد الاهليه ناويه اسجل بنتي لانها من اكثر المدارس اللي مدحوا تدريس العربي والانجليزي فيها وتناسب قدرتي الماديه بس اللي ماعجبني مياعة بناتهم وطريقه قصات شعرهم وللامانه زرت مدارس انترناشونال مثل الرواد العالميه وغيره اللي مسجله بنتي فيها تلاقي البنات مثل طالبات زمان مافي قصات ولا مياعه ناس جايه تدرس ما ادري هل انتقادي صحيح او تهيئ لي

حبيبتي جود الغيد باي مدرسه بنتك وهل اقدر انقل بنتي الترم القادم لمدارس اهليه ولا بتكون متاخره عن البنات بالعربي

يااالله قسم بالله تكدرت الله يسامحك
انا ولدي KG1 وتوه ماله الا اسبوعين
مدري انتي بنتك درست KG1 و KG2؟؟
ولا على طول دخلتيها ابتدائي
لاني مررره خايفه ان ولدي يتعقد
مع انه بدى يتعلم كلمات ويلقط من معلمته
كنت متحمسه لين شفت موضوعك وانقهرت

ياعمري لاتتكدرين انا بنتي درست kg3ومستواها حلو انا ما اتكلم على الان قريد 1 وقريد 2 و3
لا اتكلم لما مثلا تصير سادس مدارس انترناشونال مارح اقدر اتابعها ولا رح اقدر احولها لمدارس عاديه لانها مارح تكون تعرف الارقام زين بالعربي ولا تتقن القراءه بالعربي زي الانجليزي

عموما انا قررت انا اقويها السنه بالعربي والسنه الجايه رح اطلعها من الانترناشونال واوديها مدارس اهليه قويه بالانجليزي