كيفكم وربي اشتقت لكم
لقيت هالموضوع وأعجبني وحبيت انقله لكم
هذي واجهت البقاااله ,,,
بتكلم اليوم عن حلويات زمان اللي كنا ناكلها ( ككاو / فش فاش / علك / بسكويت ) .. زي مانتوا عارفين إن أكثر الحلويات
الموجودة الآن إما جديدة أو قديمة لكن غيروا صناعتها أو طعمها " يعني مو بجودة أول " .. الحلويات القديمة بجد كانت
رخيصة ، وفي نفس الوقت طعمها يجنن .. أما حلويات الآن أعوذ بالله أسعار غالية ، وطعم الله بالخير ماعدا الشركات
الكبيرة ، والمشهورة مثل جالكسي ، وطقتها .. هي اللي مهتمة كثير بمنتجاتها .. عموما أنا بحثت لكم عن صور
هالحلويات بعضها إلى الآن مازال موجود لكن جودته مو مثل أول .. وبعضها أنقطع نهائيا .. مع العلم إن بعض الحلويات
المقطوعة عندنا حصلت مواقع " أجنبية " توفرها لك مقابل أسعار معينة .. عموماً يالله نشوف صور لبعض الحلويات
القديمه
علكة باباي .. عبارة عن كيس في داخلة علك شرائح لونة " أخضر " ماخذ شكل " السبانخ اللي ياكلها باباي " .. كنا ناكلها ، ونفكر أنفسنا صرنا أقوياء .. علك قديم مرة ، وأنقطع من السوق
سمارتيز ككاو مغطى بطبقة صلبة حالية .. أتذكر كان يجي في علب متنوعة .. العلبة المشهورة هي اللي في الصورة
لكن كان فيه علبة على شكل " شاحنة " ما أدري إذا أحد يذكرها أو لا .. ! عموماً هـ الحلاو بطل
هذا حلاو مصاص أبو صفيره .. كنا شوي نمص وشوي نصفر .. والأهل في البيت ماغير زعاق علينا يقولون "أزعجتونا "
الله على هالحلاوة هذي كانت بعلبة مليانة سكر بودرة كنت أموت فيها يمي يمي
علكة غريندايزر قديمة مرة كانت تجي في أكياس ملونة .. أحمر / أخضر / أصفر / أزرق .. داخل الكيس فيه علك أصفر
صغير ، ومعه كوبون عبارة عن صورة لاصقة لشخصيات مسلسل غرندايزر ، طبعاً هالعلك اختفى من السوق من زمان
هذا حلاو أبو ساعة آه يالدنيا .. حلاو مصنوع من خيط مطاط <مو خيط حرير>، وحوالينه قطع حلاو تشكل ساعة .. كنا نلبسه في اليد ، وكل شوي ناكل منه قطعة .. والله صورته تبكي .
حلاو طابوق .. أشهر من نار على علم .. طعمه روعة وألوانه تفتح النفس .. مازال موجود ومعروف عند الكثير من الناس .
الله على ذيك الأيام الحلوة طفولة كلها براءة ، يمكن الموضوع مكرر بس والله ايام زمان لها طعم ثاني يوم أشوف الصور هذي احس بعالم غريب وتعود فيني الذكريات لأيام الطفولة وايام البساطة و البراءة والقناعة بكل شي
اللهم صل على النبي