صرخة لقا :

وهذا اكشن ولادتي خلصت شهري يوم 17/11 ودخلت العاشر وثالث يوم لي بالعاشر يوم السبت نزلت علي السداده كتله مخاطيه افرازات صفراء انا اتوقعتها افرازات بس استغربت لونها وكميتها..وبعد مابحثت عرفت انها. السداده عاد يوم الجمعه كنت ادعي ربي يفرج لي ...وحمدت الله اني شفت علامه من علامات الولاده ارتحت اتوقعت اولد بعدها .. ومر يوم السبت والاحد مااحس بشي كنت اشرب خلطة قمم التمييز من نص الشهر التاسع ويوم الثلاثاء صحيت الصباح ارسلت عيالي للمدرسه قررت وقتها انسى الولاده وحطيت في بالي انه راح اولد خلال العشر ايام هذي وماراح اعديها وجبت ورقه وقلم وقررت اشغل نفسي واكتب الاغراض اللي ناقصتني واخلصها قبل مااولد وحملت الافاده فيما جاء في ورد الولاده وانا اكتب اغراضي سبحان الله حسيت شي بينزل مني واجري الله يكرمكم ع الحمام لقيت المويه انكبت ولونها اصفر ....وتجيني ام الركب عرفت انه خلاص بدا الجد والخوف .... وجلست ابكي على قد ماكنت ابغى اولد خفت... وجلست اقرا ورد الولاده من الظهر الى العصر كانت تجي طلقات خفيفه جدا وباااااااااارده وانا قلت ماابغى اروح الا اذا زادت الالام ...بس خفت لأن المويه صفراء كنت عارفه انه الجنين متبرزفي البطن الله يكرمكم ... ورحت لدكتورتي بعد العصر لقيتها تولد وحده واتاخرت ودخلت عندها اول وحده ع الساعه 6وكشفت عليا وسوت سونار وقالت الرحم مفتوح 3سم المويه مخلصه عن الجنين والراس مو ثابت في الحوض يتحرك يمين ويسار والجنين متبرز في البطن لازم تكوني في المستشفى تحت الملاحظه وجهاز التخطيط ... خرجت من عندها وانا انتظر زوجي في الاستراحه تجيني هذيك الطلقه ....واتألم ... ورحت عند امي الله يطول بعمرها بس ماقلت لها اني بروح المستشفى ماابيها تقلق ... كان ودي اقولها تدعي لي بس... وخرجت من عندها بعد صلاة العشاء ورحت مستشفى الولاده وكنت متوقعه التنويم ميه بالميه وفعلا طلعوني الكشك ... ولبست لبس المستشفى وحطت لي الحقنه الشرجيه وجهاز التخطيط اكرهه واكره صوته يزيد الالم بالكذب ويجيب الكآبه😬 كانت الممرضه سعوديه تجننننن وخلص دوامها 11واستلمتني فلبينيه صغيرونه ياربي يسعدها حامل 8شهور مره اخلاقها عسل وطول الليل سوالف انا وهي ... والالام تروح وتجي بس محتمله جدا يعني كان طلق منتظم بس بارد ... الساعه 3جات دكتوره سوت لي توسيع بيدها صراحه مؤلم جدا بس قالت لي اساعدك عشان تولدي طبيعي وصار الرحم 4والالام زي ماهي .. وانتهى دوام الفلبينيه العسل الساعه 7ونث واستلمتني فلبينيه عجوزالشر كله بوجهها بس تنافخ انا قبل 8سنوات تخاصمت معها لنفس اخلاقها الشينه وحلفت مااولد عندها ولبست عبايتي وجاتني المشرفه السعوديه وقالت خلاص اغيرلك الغرفه... والمره هذي بلعت العافيه وقلت الله يعينني اتحملها المتخلفه... الساعه 7ونص جاء الاستشاري وقالوا له على حالتي وبعدها حطت لي شي في الوريد سألت الدكتوره ايش هذا قالت ملين لعنق الرحم لأن مانقدر نعطيك صناعي عشان عندك قيصري ومعاكي طلق منتظم ...بس حسيتها تكذب علي طلق صناعي بنسبه بسيطه لأن بدات الالام بعدها تقوى والطلق يزيد وصرت اصرخ وابكي وادعي لما خلاص ماعاد اقدر اتحمل وقلت لهم ابغى قيصري قاست لقيته 6سم وشويه قالت 7سم بعده بربع ساعه قلت لها خلاص مااقدر قالت خلاص 8سم وشالت الجهاز وودتني غرفة الولاده وقالوا لي اول ماتحسي الطلقه دفي ... وحسيت بالطلقه ودفيت وطلع نص الراس وماعاد اقدر اكتم نفسي ورجعت وقالوا لا لا خلاص دفي نص الراس طلع ودفيت باقوى مامعي وطلعت حبيبة قلبي للحياه الساعه 9 الصباح وحمدت الله كثير كثير....لأنها اصعب ولاده بالنسبه لي ..بس تعبت كمان بالمشيمه الحمدلله كانوا خايفين يجيني نزيف زي ولادتي اللي قبل واعطتني ابره قالت توقف النزيف وحتى لوفيه قطع تنزل ان شاء الله... وهذا باختصار قصة ولادتي

وهذا اكشن ولادتي خلصت شهري يوم 17/11 ودخلت العاشر وثالث يوم لي بالعاشر يوم السبت نزلت علي السداده...

غلا ميشو :

بنات الله يعافيكم اليوم نزل معي مويه مرتين بس قليل اول ماصحيت من النوم نزل شوي بس حسيت فيه زي الدورة الله يكرمكم نزل دفعه وحده والحين كنت اشتغل وجلست ونزل برضو بلل ملابسي الداخليه والبيجامه بس شي خفيف تقريبا 100 مل كذا ومافي الم ولا شي انا بالاسبوع 35 اروح ولا انتظر الصبح اروح للخاص

بنات الله يعافيكم اليوم نزل معي مويه مرتين بس قليل اول ماصحيت من النوم نزل شوي بس حسيت فيه زي...