بقطتكم ماشاءالله صارت زي العروس!!جميل لكل عروس

السلام عليكم ورحمة الله شخباركم بنات عالمي العزيز
حبيت انزل موضوع يخص االاهتمام وكل شي وغيرني 180 دررجه الحمدلله وكل من شافني خلال اشهر قال مو انتي
الي هو ومابي منكم الا الدعاء لي بالهدايه وان الله يرزقني الزوج الصالح
وتراها كلها اشياء من البيت ويمكن انتي تكبينها بالزباله الله يكرمكم وماتستخدمونها ف الافضل
استعمالها لك بدل رميها
اول شي بسوي لكم جدول استعمال
يومي
اسبوعي
شهري
اليومي للجسم ماستخدم شي تقريبا الا الفازلين الطبي قبل الاستحمام ارطب جسمي فيه كله واكثر شوي اخليه
طبقات واخليه كم ساعه علي بعدين اتحمم
واذا طلعت من الحمام ازيت جسمي بزيت بيبي جونسون الي كانه جل زيتي لونه برتقالي وانا بالحمام طبعا وبعدين ارش رش خفيف
مويه والبس الروب واطلع

اليومي للشعر او مو يومي اوقات كل يومين استخدم بديل الزيت الي بالعسل والحليب بالحمام خمس دقايق بعد الحمام وبعده اخذ شور سريع بمويه بس

+++++++استعمال المنطقه الحساسه
استعمل مويه عاديه بس احطها بجرة موية الصحه اوكي واحط ملي الغطا ديتول العنايه الشخصيه + ملي الغطا مرره مطحونه وانقعها وكل مادخلت الحمام
رجيتها واذا خلصت متوضيه بملي الغططا مره او مرتين بس ارشق على المنطقه الحساسه من ورا ومن الامام مويه منها
.........................................................................

نجي الحين للاسبوعي

هذي الخلطه ماستغني عنها نهائيا يابنات من زمان طبعا بس الحين بديت انتظم مرره الي هي
ملي فنجال الشاهي تقريبا زيت زيتون(على حسب جسمك)
عصير نصف ليمونه مصفيه
ملح خشن ملعقه وحده
اول شي قبل احط الملح واليمون ادخل الزيت بالمكرويف 15 ثانيه بس الي يخليه دافي احبه دافي انتي بكيفك عاد
وش نسوي فيها ذي ؟؟؟
كل اسبوع تفركين جسمك والمناطق الخشنه والمنطقه الحساسه فيها فررك ناعم انا عن نفسي استخدمها لكل جسمي بس الي يتحسسون من اليمون والملح لايحطونه
تخليك يابنات مخمليه لاخر حددد مرره حلوه وتراني نحيفه الي دبدوبه شوي تزود على حسب حاجته

نجي للشعر الاسبوعي
اليوم الي تسوين فيه خلطة الجسم هذي ازيت شعري فيه بزيت زيتون
واجلس ساعتين بهم كلهم خلطة الجسم والشعر
انا ماحط خلطة الجسم ساعتين نص ساعه بس ازيت شعري اول واذا بغيت اتحمم احط خلطة الجسم نص ساعه بس.(ماتحمل الليمون)هع
.................................

الحين نجي للشهر
الي هو للجسم استخدم الصابون المغربي الي بالصيدليه فيه مثله بالعطار انا اخذ من العطار احلى من الي بالصيدليه بس عادي لو مالقيتيه استخدمي الي باالصيدليه مو شين
وش نسوي فيه؟؟؟
خوذي نصف الجرره حقته تقريبا حق ملعقتين
+ملعقتين حنا
ملعقتين سدر +موية ورد ملعقتين
عصير ليمونه كامله وكل ماكثرتي اليمون كل ماجفف جسمك بس يبيضك اسرع ====معلومه يابنات انا مادور البياض نهائيا
انا ادور الجسم المخملي والنعومه والون الموحد فقط
الطرررررررررررررريقه يابنات لازم تضبطينها ولا بتدعين علي هههههه
الحنا اصحك تخلطينه تراك بتصيرين حمرا مالي دخل هع
الحنا ماينحط الا بعد ماتحممين عادي اخلطي الخلطه كله سوا بس الحنا ماتحطينه الا اذا تحممتي وخلصتي دخليه معك بعلبه لايجيه مويه
الطريقه المهم تحممين بعدين تلطخين جسمك وتفركين بليفه خشنه ولاطلعتي رطبي باي كريم او بيبي جونسون احلى

نجي الحين للشهري لشعر الحنا بنفس يوم الخلطه المغربيه احني شعري لاني ماصبر عنه حتى بالشتا اوقات احط سفررة طعام عليه بعدين الف شرشف عن الهوا لاجمد واتحنى عادي
طريقتي بالحنا اوقات احني مع مويه وملعقة زبادي وملعقتين زيت زيتون
واوقات لا له طريقه وهالطريقه تخلي شعرك يجري جري
الي هي
اقطع بصله حلقات وفصين ثوم حلقات واحط مويه كاسين او ثلاث كاسات واطبخه على النار ربع ساعه وبعدين اصفيه
واذا صفيته مره ثانيه احط حزمة زعتر او نعناع او كلهم سوا واطبخه على النار شوي عشان تطيب ريحته وبنفس الوقت حلو للشعر
واخلط الحنا فيه مع ملعقتين زيت زيتون وملعقه زبادي واتحنى واجلس ساعه فيه لان شعري فاتح انتم الي غامق خلوه اكثر ل4 ساعات افضل شي

خلصنا دعواتكم لي بالتوفيق وان الله يحقق امنياتي ويرزقني الزوج الصالح الجميل الي كل شي فيه حلو هع.......واعذروني لو فيه اخطاء املائيه العتب على النظر.......بقطتكم