السلام عليكم ورحمة الله وبركاته
كيفكم حوائيات ان شاء الله بخير
وكل عام وانتم بخير بحلول شهر رمضان المبارك
اللهم بلغنا رمضان، وأعنا على الصيام والقيام، واحفظ جميع جوارحنا من الوقوع في الآثام، واجعلنا ممن يصومه ويقيم لياليه إيماناً واحتساباً، وأن لا يكون حظنا من الصيام الجوع والعطش، ولا من القيام السهر والتعب، وصلى الله وسلم وبارك على خير من صلى، وصام، واعتكف، وقام، محمد بن عبد الله وصحابته وآله الكرام العظام، وعلى من اتبعهم بإحسان إلى أن تكتمل العدتان...
حبيت اطرح تجربتي قبل كم يوم كنت اسوي الغداء ولابسه فستان جديد فرحانه فيه وفجأة انكب عليه معجون طماطم طبعا ما يمديني اغسل اللبس كان على طاولة الطعام مناديل معطرة كانت مع الاغراض توي مشتريتها من بنده فكيتها واخذت منها واحد قلت عالاقل يخف شويه وقعدت امسح فيها واطالع انصدمت صراحه مافي اثر للبقعه نهائياً لدرجة اني شكيت قلت يمكن مو نفس مكان البقعه وحبيت افيدكم بتجربتي اللي تنفع لوقت الزنقة زنقه لوووووول صراحه اعتمدتها في شنطتي عشان عيالي الله يحفظهم ويصلحهم..
اسمها ديلي من لانا والشركة تركيه لاني سويت عنها بحث في النت ودخلت على موقعهم لقينه ورا في العلبة وحجمها صغير بحجم الكف تقريبا.
وهي من بنده سعرها اقل من 4 يال تقريبا 3.95 فيها 15منديل واللي اخذتها مثل الصورة بالبنفسج وفيه بالصنوبر والورد والليمون.
كتبت كل شي عشان افيدكم ولا ابغى الا دعوة صادقة بظهر الغيب.