السلام عليكم ورحمة الله وبركاته
بنات اكيد انتوا مثلي اثواب العيال وابوهم الملونة وبقع الدهون فيها ماخليتوا طريقة ما جربتوها بلا فايدة واللي غسلت قبل اثواب مبقعة زيت تعرف ان اصعب شي هو الزيت مايروح ابد من الملابس
عندي طريقة مضمونة ومريحة لاماي حار ولا بودرة اطفال تحطينها ع البقعة وتكوينها ولا مزيد من التجارب الفاشلة والاشاعات
الآن وحصريا عندي الحل الاكيد والمضمون
شفتوا هذا اللي في الصورة ..اكيد تعرفونه
سماك ما غيره الاصفر اللي ننظف فيه الدهون في المطبخ ومكتوب عليه قاهر الشحوم
خذي الجزء المبقع من الثوب وحطيه في الطش ورشي عليها ماي حار والسائل هذا كم بخة بس
وافركي بفرشاة الملابس والبسي القفاز يكون افضل وعقب اغسلي الثوب بالطريقة المعتادة
صدقوني تجربتي ناجحة مئة في المئة وبتفتكون من المغاسل الخاصة والمخاسر
ولدي عنده ثوب بني غامق راح فيه العمره مع المدرسة ورجع من السفر وبعد كم شهر يسألني عن الثوب
سألت الشغالة تقول رميناه في الكيس لانه عليه بقع زيت كثيرة ماتروح رحت جبت سماك وغسلته وطلع الثوب
ياسلااااااااااااااااام مافي انظف منه
وعيالك بياكلون الاكل اللي يحبونه بدون ماتخافين ان ثيابهم تبقع
جربوا وادعولي
واضعف الايمان عندكم كلمة شكر اضغطوا عليها ودمتم سالمين