هههههههههههه
مستانسه انا وبقلاوتي
شخباركم يا حوحووويات
امس سويت بقلاوه بالليل تاخذ العقل لذيذ ه وخفيفه ومقرمشه ولينه بنفس الوقت
مو بقلاوة هالمخابز والحلويات اللي مدري وش يحطون دهون؟؟ وما استبعد يحطون زيوت فرامل وزيوت سيارات منتهية الصلاحيه للسيارات من زود الدسامه:hahaha:
المهم
اللي بقوله الطعم لذيذ لا يفوتكم ولا تاخذ وقت ابد
تجيبين خليط مكسرات غير مملحه : لوز - فستق - فول سوداني - عين الجمل - بندق حوالي ربع كيلو من هالتشكيله مطحون بفرامة البصل
وتخلطين معه سكر ناعم تقريبا ثلثين كاس
وتجيبين الجلاش<< انا جربت السنبله
مقاسها مثل مقاس ورق -اي 3- يعني مثل ورق الطابعه بس ثنتين متشابكه <<< ياعيني عالشرح
المهم نكمل
تجيبين شريحه وتفتحينها وتدهنين الوجه بزبده وسمن نص اصبع زبده وكثره سمنه المراعي او فارم او اي شي اللي قوطي اخضر مع بعض يسخن شوي
وندهن الشريحه التحتيهبالدهن الذايب بفرشه لتسهيل الدهن
وترجعين الطبقه اللي فوقها
وتدهنينها بعد وتسفطينها كنك سافطه ورقه ياليتي صورت الخطوات اتمنى الشرح واضح
وندهننها بالزبده والسمن
ونرش المكسرات ونطويها وندهن العجينه كل ما نلف لفه
ونكمل اللف لباقي الشرايح
ونجي نقصص هالاسطوانات كل وحده نقصها اربع قطع ونكرمشها على بعضها بالضغط على جوانب القطعه للداخل
وبس ونصفهم بصينيه وعالفرن حمريها من تحت وفوق
وتجيبين طاسه فيها شيره مثل قوام العسل وتسقطين اصابع البقلاوه بالشيره وثواني وطلعيها تكون تشربت الشيره البارده
وتطلعينهم بصحن التقديم وبالعاااااااااااااافيه
انا عاد مافكرت انزلها الا يوم قدمتها وتم الهجوم عليها ويالله لحقت القط صوره من طرف الصحن
ترا واللــــــــــــــــــــه يا بنات تستاااااااااااهل
طعم بقلاوه صززززززز