هي سهله جدا وبسيطه وصورت جميع الخطوات تقريبا حتى توضح الطريقه أكثر
المقادير::
عجينة كلاج الكرامه مو جلاش إنتبهوا
ملعقة كاسترد مليانه
كاس ونصف مويه
3ملاعق سميد ناعم
4 ملاعق حليب بودره
بخاخ زيت أو زيت وفرشاة للتوزيع
شيره وفستق للزينه
هذي العجينه والكاستر:
...........
وهذي الشيره
............................
الطريقه:
طبعا معروف الكلاج لازم تطلعينها من الفريزر قبل بفتره عشان تفتر..
أنا إستخدمت الطويله لأني مالقيت المقاس الأصغر وهو الأفضل لأني أضطر أقصها عشان
تناسب الصينيه (ألقاه بعض الأحيان في العثيم)
أذوب السميد والحليب والكاستر في المويه وهذا شكلها
.....................
بعدهاأحطهم عالنار وأقلبهم كل شوي حتى تسمك زي كذا ماأخليها أكثر تتكتل ويصعب التوزيع
وتخلينها تفتر شوي
........
أقص العجينه بالمقص وأغطيها بفوطه نديه مو رطبه, الرطبه بتحوسها عليك وبتتشقق معك
................
وأدهن صينية بايركس زيت بالفرشاة وآخذ شريحة كلاج وأبسطها في الصينيه وأدهنها
بالزيت وأحط ثانيه وهكذا حتى تصير 7 شرايح والأخيره ماأدهن وجهها
.............
أحط في طرفها الحشوه وأطويها وأرفعها على قصدير برا الصينيه وأغطيها فيه حتى ماتنشف وأبدا أسوي الرول الثاني
بنفس الطريقه والخطوات حتى تنتهي الحشوه أنا إكتفيت برولين فقط وباقي الحشوه حفظته
باقي تتمه
.................
أبدا أحددها بالسكين فقط بشكل مايل ولا أوصل للحشو حتى مايطلع في الفرن
.........
.........
وأرجعهم للصينيه وأدخلها الفرن حتى تحمر من تحت وفوق وأسقيها شيره
.......
أغطيها بشبك حتى تفتر بعدين أقطعها حتى ماتنحاس عليك الحشوه وإنتبهي تغطينه بقصدير أو أي شي يكتمها لأنها
بترتخي وتعجّن
.......................
وهنا بعد ماقطعتها وزينتها بالفستق
............
...........
....................
وبالعافيه