هلا يا حبياتي الغاليات
بقولكم عن تجاربي لخلطات شعري عشان تستفيدوا ونشجع بعض للي حاب يطبق جدولي صدقوني ما حطيت الخلطات الا وانا باديه فيها والحمد لله النتايج لحد الان مبسوطه منها مرررررررررررررره :32:
الجمعه الماضية اول مره احط سدر على شعري لان انعدم من الصبغات وخلاص التوبه ماراح اصبغ لان عدم شعري بالحيل هالصبغات المهم اقولكم ايش طريقتي انا ابتديت استخدم خلطة حور الجنان الله يجزاها الف خير بس طبعا شلت الحنه وزدت كمية السدر بدل الحنه وبكتبها عشان الاخوات يستفيدوا اكثر
خلطة السدر
الوصفه هي كالتالي
6 ملاعق سدر
ملعقة خل تفاح
ملعقة كبيرة محلب
3ملاعق كبار كريم ماكسام الاصلي الصيني
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز
ملعقة كبيرة زبادي
ملعقتين عسل اصلي
ولا تنسوا بعد ما تغسلوا تحطوا فاشكول على الشعر
المهم تعجنين المكونات كلها مع بعض وتخلينها شبه سائلة وطبعا اتركها نصف ساعة تختمر ولازم يكون على شعر نظيف يعني قبل الخلطة بيوم اتروش وطبعا خصصت لها يوم الجمعه لان باليوم هذا اروح لاهلي اتغدا واحطها عندهم عشان زوجي ما يحب هالسوالف والريحة وعشان اكون بعيونه حلوة :32::32:وما يشوفني بالمنظر ويجلس يضحك علي :hahaha:
واخليها 4 ساعات على شعري وهذي طريقتي احط فيها خلطة السدر عشان ما احوس الدنيا
البسى قفازات بلاستيك واستخدمى طبق استانليس وليس طبق من البلاستيك .
إدهتى الرقبه والجيهه بالفازلين حتى يسهل التخلص من الحنه التى تلتصق بها قسمى الشعر لقسمين
وكل قسم لخصلتين
ونبداء من أعلى شعر الرأس بدهن كل خصلة من الشعر كما هو واضح بالصورة
ادهنى كل خصله جيدأ من الأمام والخلف كما هو واضح بالصورة لتضمنين وصول السدر
الى كل شعرة في رأسك
ما زلنا نواصل دهن خصلات الشعر ونضع كل خصلة تنتهي ومدهونة بالكامل فوق الرأس
مباشرة مجتمعة كما ترين
وبعد الانتهاء من دهن كل قسم بالسدر دهناً جيدا
صح انها المرة الاولى بس والله يا بنات لاحظت شعري تحسن بكثير احسن من اول مع العلم كنت استخدم خلطه مجربه من المنتدى كمان اخذتها بقولكم عندها بس مع السدر لاحظت تغيير كبير لان بنت خالي صيدلانية وانصحتني بالسدر والحنه انها احسن حاجه للشعر وهي ما شاء الله عليها تستخدم الحنه وشعرها مرررررررره خيال
وخلطه مجربه هي كالتالي وكمان معها سدر طبعا هي خلطة زيوت
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .
وهذا رابط خلطة الزيوت عشان تقروا التفاصيل اكثر واكثر
http://forum.hawaaworld.com/showthread.php?t=1533063
وطبعا ماسك حمام الزيت هذا ما استغني عنه مرررره جنان يغذي الشعر وينعمه اخليكم مع مقاديره
3 ملاعق كبيره زيت ذره
3 ملاعق كبيرة جوز الهند
3 ملاعق كبيره حمام زيت جاهز انا استخدم فاشكول بالثوم
عصير نصف ليمونه
ملعقة عسل
ملعقة زبادي
ملعقة خل
وطبعا تغطين شعرك بلاستيك وتخلينه اربع ساعات بس لا تنسي تعملي مساج لشعرك قبل اي خلطه تحطينها لشعرك
وبديت كمان استخدم حبوب هير فييت جزاها الله الف خير الاخت زين وفرتها لي من الكويت وهذي صورتها
ونسيت اقولكم الشامبو الي استخدمه مره خيال انصحكم تستخدمونه من لوريال ب 13 ريال ,هو للشعر المصبوغ وهذي صورته ولا تنسوا انا اخففه بمويه يعني اخلي العلبه الي قضيت منها واعبيها من الجديده يعني اخلي بكل علبه نصف الكمية من الشامبو والنصف الثاني اخليه مويه ولا تخافون ترى الشعر ينظف
وطبعا لا تنسوا تقصوا اطراف الشعر كل بدايه شهر عشان الشعر يتغذى ويتفاعل مع الخلطات
وبقولكم جدولي الاسبوعي
الجمعة : خلطة السدر
السبت : راحة
الاحد : خلطة الزيوت
الاثنين : راحة
الثلاثاء : ماسك حمام الزيت
الاربعاء: خلطة الزيوت
الخميس : راحة
وهكذا انا بصراحة كل الخلطات مجربتها من زمان والحمد لله نتايجها راضية عنها بس الي استخدمته جديد خلطة السدر والفيتامين
ان شاء الله اكون افدتكم وبحط نتايجي كل اسبوع عشان تستفيدوا وتتشجعوا وطبقوا جدولي خصوصا للي صابغين شعورهم راح تستفيدوا من هالبرنامج
وادعولي بهداية زوجي والله يسخره لي امين
واي استفسار انا حاضرة من عيوني يالغاليات