بقولكم سالفتي وبس انصحوني وطمنوني

السلام عليكم ورحمه الله وبركاته
انا متزوجه لي سنه وشهر حصل لي حمل في شهر 7 بس طرحت يعني قالو لي الحمل ضعيف وفرحتي انه في بطني جنين ماتعدت اربع ايام لكن الحمد لله الذي لا يحمد على مكروه سواه مااستمر الحمل
المهم راجعت في المسشفى قالو لي سليمه كل شيء سليم بس عندي ميلان بسيط في الرحم وقال لي الدكتور بيرجع وبيكون اوكي مع الحمل
وعندي فقر دم وزني صغير 42 وقالي الدكتور لازم اسمن عشان مايطيح الجنين لما احمل مره ثانيه
ولما شفت اني طولت ماحملت اقنعت زوجي يروح يحلل سواء اشعه ل....طلعت سليمه وتحليل بول الله يكرمكم وطلع سليم
بس الحيوانات المنويه ولما دريت انا انصدمت
يعني عنده اللزوجه عاليه وعدد الحيوانات المنويه نص مليون المفروض تكون 20 مليون والحركه عنده 20 والمفروض تكون 50 وسواء بعدها تحليل دم عشان يشوفون السبب وبكره بتطلع النتيجه
لكن انا خايفه لاني سمعت وقريت من بنات المنتدى انه احتمال العلاج الطبي مايجيب نتيجه
بنات تكفون طمنوني اللي عند زوجها ضعف مثل زوجي او اقل هل يمكن انها تحمل لان نفسيتي زفت انا توني صغيره عمري 22 وحلمي بالامومه مصيطر على تفكيري كل مااحاول اسمن ارجع انحف من التفكير
وش تنصحوني اسوي عشان تقوى الحيوانا ت المنويه عند زوجي
واذا العلاج بالابر والحبوب لزوجي مانفع هل في نوع ثاني من العلاجات او من التلقيح ينفع معانا يعني هل يمكن اني احمل لو بتلقيح ؟
الله يعافيكم ردو علي
ربي لا تذرني فردا وانت خير الوارثين
تدرون بنات انا ماقلت حق احد حتى امي ماقلت لها لاني لو بتكلم كل مابشوف امي بتجلس تتكلم علي ها وش سويتي ومن وش صار على العلام ومن هالكلام وقاعده اصارع الم هالموضوع بروحي حتى زوجي ماحب اتكلم معاه عشان مااحسسه بالنقص والله اني احبه واتمنى منه الذريه كل مااناظر فيه تخنقني العبره
لانه يحب ويموت في الاطفال وهو توه صغير عمره 27
انا املي بالله كبير ومدام انه الله موجود فالامل موجود
دعواتكم لي ونصايحكم طمنوني وردو على الاسئله اللي في الموضوع تكفون
الله يرزقني وكل محرومه الذريه الصالحه