بقولكم عن تجربة نجاحي على حب الشباب!!

السلام عليكم ورحمة الله وبركاته


خواتي العزيزات ،،



والله ثم والله اني اقولكم الصراحة عن تجربتي الي فادتني وانقذتني من عناء ومشكله كنت اعاني منها من سنين ..

يمكن تذكرون او ما تذكرون بالصيف في شهر 7 حطيت موضوع فالمنتدى اسالكم تساعدوني لان ويهي شب كله حبوب وحبوب الله لا يراويكم من ذوي الرووس البيضا :22: وتترك اثار تكرهج النظر فالمرايه لويهج


المهم وانا اشوف فالمنتدى وصفه رهيبه استمريت عليها بالامانه تقريبا شهر وكل ليله احطها على ويهي لمدة ساعه تقريبا ..

الوصفه كانت عباره عن ترمس مطحون + عسل + ماي ورد اكونها مثل العجينه سهله الفرد وافردها على ويهي واتركها ساعه وبعدين اغسله

بصراحة بعدها حسيت الحب يخف بالتدريج واكثرت من شرب الماي (8 اكواب تقريبا فاليوم)

الي الثالث الي كنت اسويه واستمريت عليه للحين هو غسل الويه بصابونه الكركم - اظن معظمكم سمع عنها - هي تجفف الويه بس مفيده للي بشرتهم دهنيه مثلنا وفليل ادهنه برتين اي وانام واقوم الصبح اغسل ويهي بصابونه الكركم ..

اغسل ويهي 3 مرات فاليوم بصابونه الكركم الصبح + العصر + قبل النوم
وقبل النوم ادهنه برتين اي وبس

وهالاثنين بس الي استمريت عليهم للحين من 3 اشهور والحمدلله ويهي صار صافي وباقي شويه من اثار الحبوب وافتك :42:

والكل يسالني شو سويتي لويهج وتحسن جذي


اذكروا الله ياجماعه ترا العين حق


والحمدلله الحين الصبح قبل الدوام بعد الغسل بالصابون الكركم طبعا انظف ويهي بالميلك وبعدين التونيك لا وصرت احط المكياج على كيفي من غير خوف والحمدلله





وفالاخير اطلب منكم الدعاء بالخير عن ظهر قلب .. فانا محتاجه لدعواتكم

:26: