بقولكم قصتي عشان تنتبهون

السلام عليكم حياكم الله كلن باسمه

قبل شوي اشوف وجهي بالمرايه وتذكرت سالفتي زمان

اقولكم وش السالفه

الله يسلمكم وانا صغيره كانت بشرتي عاديه فاتحه بس اختي اللي اكبر مني تغار مني وتسميني السودآ رغم انها اسمر مني بكثيرررر لكن الغيره حتى بين الخوات

المهم كانت تكرر هالكلمه كثير يعني مستحيل تناديني باسمي ياسودا تعالي ياسودا روحي لدرجه رسخ بذهني اني سمراء رغم اني ما كنت كذا
واحيانا تناديني ياسم قبيح استحي ان اذكره هنا :44: وانا انطبع بذهني اني كذا

وقلت لازم اصير بيضاء عشان اقهرها

فصرت استخدم كريمات وخرابيط من وانا بالمتوسط :icon33: تخيلوا فير اند لفلي استخدمه واستخدم التايد على وجهي كله من التعقيد اللي كنت فيه واخربط بالخلطات والكريمات لين كبرت وصارت بشرتي كلها شعيرات دمويه الحين لو تشوفونها العروق واضحه بقووة

لو احكها شئ بسيط تلتهب بقووة هي ورقبتي والحمد لله على كل حال اهم شئ اني عرفت انه كلامها مو صحيح وانه نتيجه غيره لا اكثر

ونصيحه مني لا احد يحطم بناته او خواته ترى يتاثرون حتى لو كابروا زميلتي كان ظهرها منحني شوي تقول ان خالاتي يضحكون على صدري وصرت انحي عشان مايبان وللحين وهو منحني


هذا اللي كان فبالي وحبيت اقوله لكم منها افضفض ومنها تنتبهون



وصلى الله على نبينا محمد وعلى اله وصحبه اجمعين:26: