بقولكم قصتي مع شريط الاغاني

السلام عليكم ورحمة الله وبركاته


بالبدايه , انا كنت من أشد مدمنين الاغاني على وجه الارض .. يعني بيتي كأنه تسجيلات من كثر ماسمع وارفع على الصوت .. لاقمت من النوم وقبل النوم ..... وانا اطبخ .. وبمشاوير السياره .. بالمنتزهات .. بالحمام

وانا جالسه على التلفزيون .. وهكذا

من الله علي وهداني وتبت منها قبل حوالي 3 سنوات تزود شوي تقريبا بعد ماسمعت اشرطه عن الموت والآخره

واخذت الاطنان من الاشرطه وغرقتها بمويه ورميتها بالزباله ,, هي والسيديات واشرطة الفديو ومسحت القنوات حقت الاغاني وفتحت صفحه جديده حسيت فيها بطعم الايمان وحلاوة القران

ومع تطاول الزمن علي بدا الفتور وبدت مرحلة المقاومه اللي يمرون فيها التائبين بالغالب

وبدا الحنين لايام زمان ..

لاكن كنت اقاوم واقاوم احيانا اخور بس على خفيف ..

حتى جا ذاك اليوم وشدينا من بيتنا لبيت ثاني .. العمال لقوا شريط من اشرطة الماضي لفنانه امريكيه كنت احبها واحب

صوتها .. واحب اغانيها ... والشريط هذا له مكانه بقلبي غير ..

لقوه وحطوه بدرج التسريحه وطلعوا , جيت انا فتحت التسريحه لقيت الشريط جاهز قدامي

ماقاومت .................... وهنا اول غلطه .. اني ماقاومت

قلت بسمع بس شوي .. وشغلته وجلست اسمع من تقريبا 10 الى ان قربت صلاة الفجر وانا اسمع :(

وبعدين حسيت بضيق وكتمه واخذته حطيته تحت البزبوز وصبيت عليه ماء ورميته بالزباله

وقمت الصبح متنكده .. واحس بندم ليش ظنكم ؟؟؟

لاني رميت الشريط .. وجلست شوي اتململ وبالاخير ضعفت وطلعتهمن الزباله ومسحته وصبيت منه الماء

ونشفت وشغلته .... واشتغل :30:

وسويت نفس ليلة امس .. ويوم قرب الفجر حسيتخلالالالاص بمرض بنفسي وفكيته بسكين وشرشرت الشريط

نهائيا ورميته بالزباله

وقلت توبه يارب ................

ومرت الايام والاغاني حقت الشريط تضرب براسي .. وتضرب

واخذني الحنين

وغلبني الشيطان

وفتحت الانترنت ورحت ادور الشريط ابحمل بعض اغانيه ... مالقيته بس لقيت اغاني ثانيه من الماضي

حملتها وقلت العوض ولا القطيعه ..وارسلتها للجوال ... وبسماعات الاذن ..تسمعت وتسمعت وبعدين ندمت .... ومسحت .. وحذفتها من الجوال والكمبيوتر ..

ومرت ايام

ومره ثانيه اخذني الحين وبحثت بالنت .. هالمره لقيته .. وحملت .. ولقيت اغاني ثانيه غير وحملت ..

واجلس اتسمع طول الليل .. واخره اندم واحذفها من الجوال والكمبيوتر ومن بكره يزول الندم واحمل واحذف وهكذا

زي مدمن المخدرات بالضبط اللي مايقدر يقاوم :(

بعدين حسيت بقلق رهيب وهم وغم وطفش وضنك :( غير طبيعي يابنات ودي انتحر

تذكرت حديث الرسول عليه السلام ( لاتفتحه ..انك ان تفتحه تلجه )

لاتفتحه ..انك ان تفتحه تلجه

لاتفتحين الباب .. لان الفتح اول خطوات الخطأ .. وان فتحتيه معناه ماتقاومين وبتدخلين

وانا كان حالي افضل لو اني لما شفت الشريط رميته على طول ولافتحت على نفسي باب من الماضي

تخيلوا يابنات مره كنت بنصف الليل بلحالي بالمجلس اتسمع والسماعات باذني مطول على اخر شي .. وأسمع صوت

غريب اتلفت حولي مالقيت شي , رحت لغرف البيت مالقيت احد صاحي رجعت للمجلس والسماعات باقي بإذني

ولاميزت الصوت وشو ( من الشفاقه على الاغاني مافكرت اشيلها على شان اسمع الصوت وشو )

المهم رفعت راسي الا والمروحه باقي عليها شوي وتطيح .. تخيلوا تحلحلت مابقى ماسكها الا سلك وتضرب يمين

ويسار فوق راسي وانا ولا انا هنا ..

لو طاحت علي ماحد درى عني كنت نزفت لين مت واهلي نايمين .. :(

ولا مت وصارت خاتمتي على الاغاني :(

طبعا انا الحين بإذن الله جددت التوبه :26:

لكن ابغاكم ياتائبات تاخذون عبره من اللي صار معي ..

كل ماجيتوا تسوون شي حرام تذكروا .. انك ان تفتحه تلجه

انك ان تفتحه تلجه .. خليها دايم ترن براسك واذنك

ترى خطوه وحده تمشينها بتجر لخطوه ثانيه اكيد وتدخلين بمتاهات الماضي .. وان خلتي ياصعب تطلعين منها

بتقولين بشوف مقطع من شكل الفنانه وشعرها بها المسلسل والنتيجه انك بتتابعين المسلسل كله لين ينتهي

اسال الله لي ولكم التوفيق والسداد وتوبه نصوحا نلقاه بها عند الموت واستغفر الله العظيم لي ولكم ولجميع

المسلمين والمسلمات

والحمد لله الذي ان عبدناه شكر .. وان عصيناه غفر والصلاة والسلام على اشرف الانبيا والمرسلين