بقوله(كن فيكون)حملت......والبويضه صغيررررره

في شهر ذوالحجه نزلت الدوره علي وبديت بأكل خلطة العسل مع كوب ميراميه وبردقوش واناناس كله عشان تتنشط البويضه معي بالاضافه للكلوميد حبتين باليوم
ولما صار لي12 من الدوره رحت للدكتوره عشان متابعة التبويض فقالت لي للأسف البويضه هالشهر صغيرررره كان حجمها 9 قالت لي خلاص الدوره الجايه راح نبدأ بالكلوميد مع الابر
طبعا انا ضاق صدري لأني كنت متوقعه النتيجه افضل المهم طلعت من عندها ورحت للمحاسبه قبل مااطلع اتصلت الدكتوره على المحاسب وطلبت تكلمني
قالت لي كولي حبوب السكر(الكلوكوفاج)الين موعد الدوره الجايه وكان باقي عليها اسبوعين
رجعت للبيت اكلت حبتين باليوم بالأضافه لكوب البردقوش عشان ينظم الهرمونات معي
لما جا وقت الدوره تأخرت وهذا مهو شي مستغرب انتظرت اسبوع مانزلت فأكلت حبوب اللي تنزل الدوره(بريمولت)ثلاث حبات باليوم لمدة خمس ايام وبعدين انتظرت خمس ايام ثانيه ومانزلت اكلت(رشاد)ملعقه صغيره قبل النوم على اساس تنزل الصباح ومانزلت لما يأست من نزولها فكرت بالقشعه اشربها بس قبل ماأكلها قلت اجرب احلل بالبيت للأحتياط فقط ومافكرت بالحمل ابدااااااااا اشتريت اختبار الحمل من الصيدليه وسويت التحليل وشووووي الا يطلع خططططططططططين واااااااااااااااااااااااااااااااضحين (ياقدرة الله)شلون؟؟؟؟؟؟؟؟؟
طيرااااااااااااااان رحت لدكتورتي وشرحت لها اللي صار قالت انتي استمريتي على حبوب السكر قلت لها ايوه قالت خلاص سبحان الله ارادة رب العالمين فوق كل شي

قالت انتي نسيتي موضوع الحمل هذاك الشهر بالاضافه لحبوب السكر ساعدت بعون الله على الحمل واخذت اشعة صوتيه وشافت الكيس

وسبحان الله اوووول مره ايأس من حصول الحمل وحملت والان لي6 اسابيع

طبعا انا كتبت لكم تجربتي عشان ماتياسون من رحمة الله
واسأل الله انه يرزق كل وحده تتمنى الحمل في هالمنتدى وغيره واللي تتابعنا بدون مشاركه

ماراح انتقل لقسم الحمل والولاده راح اتابعكم وادعيلكم

ولا تنسوني من دعاكم بارك الله فيكم