السلام عليكم ورحمه الله وبركاته
ما شاء الله تبارك الله ولا حول ولا قوه الا بالله
بالاول انا عارفه كتبت هالموضوع وبتنهااااال علي الردود السيئه والبجحه
ولكن الحمد الله انا متاكده ان في ناس واعيه وعاقله في منتدانا
فانا والله مثلكم ولكن شفت وعشت شيء خلاني اصحي عقلي شويه وحبيت افيدكم ولو اني بكون ثقيله على البعض وممكن يعتبرونها فلسفه مني .... والله عالم بنيتي
اخواتي عزيزاتي ابي اتكلم معكم بشيء جدا جدا جدا مهم
وهو الخيانه اللي صاااااارت بكل بيت ولو ما كانت بكل بيت ففي كل حاره هناك امرأه تعاني وتعاني
من زوجها ومن خيانته لها
مقوله قالها لي زوجي ونقشتها براسي ومستحيل انساها
قال لي:الرجل مثل المدير للمصنع يجي للبيت ياكل ينام يصرف حياته عمل وخروج من المنزل
الزوجه : هي المصنع لو خانت زوجها فكيف تنتج انتاج جيد اذا كان المصنع سيء فالبضاعه سيئه اما لو كان المدير(الزوج) سيء فهذا لا يؤثر كثيرا على المصنع لان المصنع ناااجح ومعطاااء
اتمنى فهمتو نظرته للخيانه وهي الزوج لو خان فهو يخون ولكن لايؤثر فالحياه سوف تستمر ولكن لو خانت الزوجه فهي تهدم البيت كله
بس تعالو فكرو شويه معاي لو سمحتو
اولا وش معنى الخيانه عندك....؟؟؟
في خيانه شات - دردشه - ماسنجر - فيس بوك جوال - يطلع معها وزنا
انتي ايش اللي تحسيه خيانه وانه خلالاص هم الدنيا على راسك انا ابي اكلمك حبه حبه وان شاء الله احل لك مشكلتك ولو ما حليتها بخفف عليك من همك
بنبدا بخيانه الشات والدردشه والفيس بوك والبلياردو كلها تقريبا وحده لانها مواقع تعارف
بالبدايه ابي اوضح لك يا حبيبتي ياللي تعرفين ان زوجك يدخل انه ما دخل يبي وحده يحبها لان مافي حب بالنت ابدا وهي مقوله عند الشباب في المواقع التعارف <<حب يوم مو دوم
يعني يدخل ضحك وهبال وتريقه واستهبال وتضيع وقت
تاكدي ان زوجك مو خاااااين في هذي اللحظه لانه داخل يستهبل ولا انتي بااااااقي في قلبه حبك ومستحيل يقارنك ببنت شات والعياذ بالله فانتي الشريفه العفيفه اللي ما يبيعها بريال بس بنت الشات يبيعها بجزمه وانتم بكرامه
وهو عارف ومتيقن انها كل شوي بشخصيه وكل شوي مع شخص ثاني
ممكن انه دخل يختبر جاذبيته عند البنات او انه دخل من باب اللقافه والتطفل
الحل عندي ان شاء الله...
ضيعي وقته عشان ما يحس ان عنده وقت فراغ اذا شفتيه فاااضي عطيه المصحف وقولي له ابيك تسمع لي الحفظ اللي حفظته امس
او طريقه ثانيه جيبي قهوه وشاي جيبي العيال اشغلي وقته ويا كثر الافكاااااار لشغل الوقت انتي لاتتركين له وقت فراغ عشان ما يظطر يدخل الشات لان الدردشه للي فاضي وماعنده شغل
لاتتركينه بالبيت وقت كثير يعني لاتغيبين عنه وخليك داااايم عنده بس مو عنده تكونين قلق لالالا خليه يحبك بخفة دمك واسلوبك وسوالفك اللي كلها عسل بالنسبه للبلياردو والفيس بوك سجلي معه فيها وبكذا بيحس بانذار خطر حوله ولا يقدر يخونك لانك قدامه<<ضعاف النفوس اصبح الخوف من الناس اكثر من الخوف من الله
لاتقولي بسجل عشانك لالالالا قولي بسجل عشان اسولف مع خواتي وصديقاتي ثم بعدين بعد كذا اسبوع اعرضي عليه انك تضيفينه لصفحتك
نبدا بخيانه الماسنجر
بالاول هل هو يخونك مع قرووب ولا مع بنت وحده
اذا قروب فعرفي انك باااااقي بقلبه وعلى راسه ومجررد استهبال وضحك لان القلب ما يشيل قروب يشيل شخص واحد بس
اذا قروب فهي فتره وتعدي ويمكن فرحان بالمسن ولا مجمع شله بنات وفرحان فيهم لانه عطوه وجه وحتى لو سالته وحده وش قالت له امس بيكون ناسي لانه ما بيقدر يجمع سوالف 15 بنت في وقت واحد عقله مايتحمل هذا الضغط ضغط بيت وعمل ووسوالف بنات بايعات شرفهم هو اصلا يكلمهم وهو بنفسه مستحقرهم على الاخررر
اما اذا كانت بنت وحده احذررررري فهذا الخطر
ولكن ارتااااحي لانه في نفسه يقول تكلمني وتكلم 10 غيري لانها بنت نت ومسن والله العالم من ضايفه عندها بالمسن
ومهما كان النت مااااااافي حب مجرد مصالح يعني حتى لو صارحتيه وجرحك او اهانك فهو في داخل قلبك يقول الله يستر على هالحرمه اللي صاينه نفسها وشرفها والله يلعن بنت الكلب اللي بايعه شرفها للرجال
هو يبي منها شيء ثم بيرميها ولو ما رماها انتبهي يمكن انها تبتزه وانا اتكلم من واقع وربي شفته بعيييييني
انا ابي اوضح لكم نقطه مهمه
انا يا اخواتي سالت اكثر من شاب اعرفهم لي اقارب
اسئلتي كانت
هل في حب عن طريق النت..؟؟؟
الاجابه مستحيل لانها بنت نت ومافي اي ثقه لها واحنا نلعب عليهم وعندنا مقوله حب النت يوم مو دوم
وش نهايه مكالمات الجوال وخاينة الجوال..؟؟؟
الاجابه كانت مصالح من البنت ماديه ومن الرجل عاطفيه واشباع رغبات ذاتيه والجميع مستفيد
وجهة نظرك لبنت النت
بنت بايعه نفسها وشرفها وماعندها مشكله تكلم 100 واحد باليوم وكل واحد تقوله انت الوحيد بحياتي
هل تتوقع انك بتتزوجها لو حبيتها
لا مستحيل مافي ثقه بينا كيف اضمن انها تعيش معي من دون ماتكلم غيري لانها متعوده انها تكلم شباب وما تقدر توفي لشخص واحد
بالنسبه للجوال
رح اطرح حلول ان شاء الله بالاسفل فخيانه الجوال هي اللي ظاااااااهره كثيييير
وابي اقولكم نقطه مهمه
اذا انتي تشوفين نفسك عايشه مرتاحه مع زوج كريم عليك يحبك يحب عيالك يهتم فيك وفي البيت نصيحه من اخت لاتفتشين ورااااه لانك بتكونين بحثتي عن الهم والمشاكل بنفسك احنا نتمتع بالظاهر والباطن نخليه لربي
وش تستفيدين لو سويتي محقق كونان وفتحتي الجوال وفتشتيه وتفاجئتي وانصدمتي وبكيتي وووو وبعدين تقولين ليتني ما عرفت ليتني ما فتشت جواله
عيشي حياه مستقره بدون شك ووو الحياه حلوه لا تنظرين للسلبيات انظري للجانب الايجابي في زوجك وفي حياتك لاتدمرينها عشان بنت مثل الزياله وانتي اشرف منها بالف ولا اقول مليووووون مره
الحلول عزيزاتي بالاسفل
بالنسبه للي يطلع معها وللزنا
اولا انا اهنيك على قوة قلبك وقوه ايمانك وصبرك ثانيا اذا انتي بتصبرين فانتي بتصبرين على عيالك وحبك لهم وانتي واثقه تماما ان هذا الاب ليس قدوه لهم ابدا
ولكن ان كنتي لاتريدين ان تصبري عليه وتريدي الطلاق فانا اشجعك نعم اشجعك وبقوه فالحياه لن تعيشيها الا مره واحده فقط فاذا عشتيها بهم ونكد لن تتذوقتي حلاوتها
سؤال كم عمرك ...؟؟ تحرري من سجن الالام لحياه افضل في انتظارك الطلاق ليس محرم بل انه ابغض الحلال ولكن انتي بحاجه له لكي تنتعشين وترين الحياه من جانب مشرق
الزنا فاااااحشه عظيمه وهو كبيره من كبائر الذنوب
وله عواقب وخيمه وامراض معديه فانتي تهددين حياتك بالخطر
اخواتي بالنسبه للي تخون زوجها عشانه خاينها
انا بذمه وضمير اخاطبها واقولها ارجعي لصوابك ارجعي لعقلك ترى الدنيا فانيه لو رحتي عند ربي وقالك ليش خنتي فلان وش بيكون ردك لانه خاني...؟؟ انتي بتتحاسبين عن اعمالك بس وهو عن اعماله بس ما رح يتحاسب عن اعمالك السيئه
ارجعي لصوابك ولعقلك بيتك في يدك لاتدمرينه بسبب تسليه وقضاء وقت فراغ
زهقانه تبين تفضفضين منتدى عالم حواء بالخدمه ادخليه وقولي اللي بخاطرك بس لاترتكبين جريمه بحياتك وتدمري سمعتك وسمعة امك اللي تعبت في تربيتك
نصيحه لكم
مني انا اللي شفت بعيني شيء انتو ما شفتوه
زوجك خااااااين يكلم بنااااااات
اسمعيني زين
لاتتركين عليه عذر عليك
يعني اهتمي بنظافتك بيتك عيالك لبسك فرااااشك الرجل ما يهمه الا الفراش لو ما عطيتيه اللي يبي(في حدود الشرع)بيقول لك بدالك عشر لو حلال ولا حرام
لا تخبريه انك كشفتيه
يعني لا تسوين نفسك محقق كونان وانتي القويه اللي تعرفين عنه انه خاين وانه يكلم وانه وانه وانه
هذا ابتلالالالالاء وربي ابتلاء
انتي حليه بس مو بطريقه المصارحه والمواجهه
عندي لك الحل السليم باذن الله
اولا
بطريقه غير مباشره
يعني اسئليه وش رايك بالزوج الخاين اللي يخون زوجته...؟؟؟
اذا سألك ليش
قولي بس ابي اعرف وش رايك فيه
بعد فتره قولي له انا صديقتي فلانه متعذبه من زوجها مسووووي فيها كذا وكذا وكذا وابيك تعطيني حل
تصارحه ولا كيف تتعامل معه
لاتحكين له نفس الواقع اللي انتي شفتيه منه لالالالا جيبي قصه خرافيه ولكن قريبه من مشكلتك معه
الحل هو المواجهه بطرق غير مباشره
يووو يافلان شفت وش صار اعوووذ بالله وانا بقولكم الان قصص حقيقيه سمعتها من شيخ
الاولى
بنت كانت بسوق وكأي بنت (بنات سوق بالعربي) طالعه تجمع لها كم رقم من شاب وهي بفتنتها فتن فيها شاب واعطاها الرقم
طلعت من السوق والشاب وراها على طول
ركبت التاكسي والشاب بسيارته وكانو عند الاشاره اللي يفصلهم سياره وحده بس
وكانت تكلم الشاب وهي بالسياره تتعرف عليه
ويوم فتحت الاشاره صار حادث لسياره البنت وتوفت قدام عيون الولد وماتت وهي تكلمه ماتت وهي على معصيه والعياذ بالله ماتت وهذا الولد هو سبب في خاتمتها السيئه لانه هو اللي عطاها الرقم الولد جن جنونه دق على الشيخ يوقله تبت ياشيخ بس البنت اذا تقابلنا عند ربي بتقول فلان عطاني الرقم وش الحل وش الحل.....قال الشيخ ادعيلها بالرحمه والله غفور رحيم
القصه الثانيه
بنت تعرفت على ولد وهو على علاقه ولكن فتره بسيطه من تعرفو
البنت اصيبت بمرض خطير ودخلت المستشفى وتحديدا العسكري اللي بالرياض
وكانت تصارع الموت وكان الشيخ يقولها يافلانه قولي لا اله الا الله قولي اشهد ان لا اله الا الله
وهي تقول فلان بن فلان فلان بن فلان الفلاني فلان بن فلان ...الخ
وعلى هذا الحال الى ان توفت توفت على خاتمه الله المستعان يا بناااات
بعد فتره دق شاب على الشيخ وقال له انا من زمان ادق عليك ليش ماترد علي قال له الشيخ طيب وش عندك
قال انت تعرف فلانه اللي توفت وهي تقول فلان بن فلان وكنتو تقولون لها قولي اشهد ان لا اله الا الله وهي تقول فلان بن فلان الفلاني
قال الشيخ ايه اعرفها
قال انا فلان بن فلان انا يا شيخ ما كنت متوقع انها بتحبني كنت العب عليها ما كنت متوقع تتعلق فيني وتموت وهي تقول اسمي يا شيخ اذا قابلت ربي انا السبب يا شبخ ماتت وهي خاتمتها باسمي وبتبعث على اسمي يا شيخ وش اسوي وش اسوي انا سبب دمار هذي البنت
ااااااااه يا بنات شفتو كيف الموت ما يعرف له وقت
الموت ما يدق باب ويستاذن الموت اقوى من اي شيء ثاني
طريقه غير مباشره تهددينه فيها
قولي له انا لو ان زوجي يخوني والله ما اسامحه والله لو ربي ردها بوحده من بناتي ولا فيني والله ما اسامحه دنيا واخره من دق باب الناس اندق بابه
وكما تدين تدان والله لو ربي يردها فيني ولا في بناتي اني ما اسامحه لو يموت على رجولي
حسبي الله على كل بنت خانت اهلها وشرفها وحسبي الله على كل زوج كذاب ويخون اهله وزوجته المسكينه
والله يابنات مفعولها يخااااااااف ويقشعر بدنه الرجال يخافو من الدعاء
بنات انا وربي اكلمكم من وااااااقعي ومن وااقع اللي حولي ما جبت لكم شيء من الخيال
وحده اعرفها معرفه شخصيه واخويه بالعربي اختي الله يحفظها من كل شر
اختي عانت كثيييييييير كثييييير مع زوجها صار ما يشوف الا بنت الحرام
صار متيم في حبها واختي عانت وعااااانت كثير معه انواع العذاب وانواع الذل والمشاكل
تشتت العائله وصارت ضعيفه صارت عائلتهم مهدده بالطلاق
اختي مثل اغلب النساء تحب زوجها تعشقه ومع كذا على صوتها عليه وهواش وطقاق على سالفه البنت اللي خانها زوجها معها
وصارت مشاكلهم بكل بيت معروفه
وتعبت تعبت الهم اكلها اكل جسمها ضحكتها حياتها كلها هم في هم 7 سنين عذاب وهواش ومشاااااااكل الله بها عليم
ولكن قررت بعد هذا كله ان زوجها خلالالالاص مستحيل يرجع له عقله ومستحيل يعقل
قالت خلاص انا بسكت عنه ولا عاد لي فيه علاقه اذا بيخون يخون بالطقاق انا ما عاد اقدر اهاوش اكثر
والله يا بنات وانا ما اكذب واقولكم انا اختي من دمي ولحمي اللي عاشت هذا الموضوع
سنتين وزوجها من احسن لاحسن ترك المكالمات وترك الاشياء هذي
صار تفكيره بيته زوجته عياله ما اقولكم صار توووب لا بس يكفي انه ما عاد هو خاين مثل اول
صار يصلي بالمسجد الحمد الله ويزعل من اختي اذا ما صحته للصلاه
بنات والله ما بعد الضيق الا الفرج صبر 7 سنين وبعدها فرحه تنسيك كل هموم 7 سنين
الهدوء والسكوت الدعاء والكلام اللامباشر هو الحل
الهواش والنفاخ والطقاق والفضايح ما منها فااااايده والله العظيم والمواجهه
وتذكري لو مافي بنت تخون اهلها مافي زوج يخون زوجته المساله مشتركه
صلاتك دعواتك له الاستغفار القران لا يتقفل من بيتكم
كوني حنونه غرقيييييييه بحنانك بوساتك حضناتك لاتنامين الا بحضنه بيقول وش غيرك يا فلانه قولي حلمت اني بفقدك ومن بعدها ما ابي انام الا بحضنك طبعا بالبدايه بيرفض بس اذا نام احشري نفسك بين ايديه واحضنيه بيحس فيك وبيقوم ويشوفك ويرحمك والله مع الايام يصير وهو نايم يحضنك وما يدري انا هذي حركتي مع زوجي والله اني مرات ابكي من القهر يوم يهاوشني عشان ما احضنه وهو نايم بس قويت قلبي وقلت مافي شيء يجي بسهوله ابدااااا
ومع الايام لي يمكن سنتين وانا على الحاله ذي وربي اقولكم زوجي صار يحضني وانا نايمه وهو ما يدري عن نفسه لاني عودته على هذا الشيء
بوساتك خليه يمل منها وهو قاعد وهو واقف وهو نايم وهو وهوو وهو وهو بوسييييييه وعطيه من الحنان الكثير
كوني له ام حنونه خليه يقول الله يافلانه على حنانك
لاتقولين انا قشره وانا قاسيه وانا عصبيه والله ما اتوقع في اكثر انسان عصبي اكثر مني بس غيرت نفسي عشان اعيش حياه حلوه غيري نفسك لاتقولين صعبه الصعب انك تعيشين في غلط والصح عمره ما كان صعب
كوني له صديق شوفي ايش يحب وشاركيه مباريات كوني له صديق وقت المباراه شاركيه فله ووناسه وربي ينبسط معك
كوني له اروووع انثى واجمل وارق انثى في فتره العلاقه الحميميه لاتروحين للفراش بريحه وخياس لالالا روحي وانتي مخصصه عطر للجماع عشان يعرف ان هذا العطر اذا شمه انها ريحتك يا فلانه
كوني له العاااشقه بالجوال ايه انتي مو غيرك
ارسلي له بالصباح
واذا كنتي من اللي ينام الصباح مثلي وقتي المنبه على الساعه مثلا 9 وقومي ارسلي له مسج وارجعي نامي
وبالمساء ارسلي له مسج حتى لو قاعد بالبيت مافيها شيء
اذا كلمتيه كوني ارق ارق ارق من البيبي بكلامك تدلعي وسمعيه كلام عمره ما توقع يسمعه منك هههههه بالبدايه صعبه صدقوني تعبت تعبت لين قدرت اقوله احبك والله ما كنت اقدر اقولها بالجوال بس مع الايام بتصييييير سهله
امليء وقت فراغه بدل ما تتركين بنت الحرام ترسل له بالدوام انتي اسبقيها وارسلي له
وصبحي عليه قبلها
اعرفي زوجك وش يحب ووش يكره
لاتبين نقاط ضعفك له
كوني وااااثقه في نفسك فانتي رااائعه يا عزيزتي
ششخصيتك لاتتركين الحياه تغيرها عليك
تم بحمد الله اختكم ديدووو
ياحبايبي ان شاء الله قدرت اقدم لكم لو شيء بسيط واساعدكم بحل هذي الظاهره المنتشره ولو ما ساعدتكم اتمنى اني خففت عليكم انا ما ابي منكم غير الدعااااااء بتسخير زوجي لي وتسخيري لزوجي ادعولي بالهدايه
يارب زدني قربا اليك.......احبكم يا احلى حوائيات
رجاااء ارفعو الموضوع واتقبل الردود السااامه والردود الساميه
بالعكس الموضووع حلو مو ثيقيل ابدا
الا موفيد
مشكوووووووووورة