بقول الي بخاطري وافضفض لأن مااحد داري عني

السلام عليكم

خواتي بقول الي بخاطري وافضفض لأن مااحد داري عني وياليت تشيرون علي او تذكرون لي من خبراتكم شئ يعطيني في الحياة شوية روح لأني انهلكت مع ان الموضوع مو بإيدي ..

السالفة اني انا وللأسف - وللأسف مرة ثانية احب احد قرايبي وهو يحبني من كنت صغيرة.الفرق اللي بين اعمارنا كبير شوي .. طبعا كبرت وكبر الحب هذا معي فكان لازم علي اني اتغطى وماعندي اي مشكلة بهالخصوص كنت دايم افكر وانا صغيرة اني لما اتخرج من الجامعة راح يخطبني طبعا هذا الكلام من عقلي لأني من كبرت وانا مدري عنه اذا استمر يحبني او لا .. تمشي السنين واتخرج وكنت اقول بنفسي ان الفرحة بتكون فرحتين فرحة خطوبة وتخرج .. واللي خلاني طول هالسنين ما ثنيت عزمي عن التفكير بهالشئ الا انه للحين ماتزوج فقلت اكيد انه حاط العين علي .. وانتظرت وانتظرت والخطاب يدقون الباب يتقدمون وانا بالي بعيييييييييدعنهم وكل ما احد يتقدم اطلع فيه مية عذروب ولا اوافق عشان اهلي مايشكون ان فيه شئ او ببالي احد . حاولت- بعد ما تخرجت ولا شفت منه اي خطوة انه يتقدم لو بالكلام عى الاقل بس احس بالراحة -اني انساه وافكر بحياتي لكني للأسف كل ماحاولت انسى ارجع واتذكر كل مواقفي معاة وانا صغيرة وارجع اشد من الاول وطول هالفترة وانا انسي روحي واقطع الامل ولا خليت شئ من الدعاء حتى قيام الليل والى الان كل مالي ازيد تعلق فيه . المهم شكلي ثقلت عليكم بالفضفة من اول كنت اقطع الامل بنفسي انو خلاص ماراح يتقدم ولازم امشي بحياتي وكنت ما اقدر اقطعه وصراعات مو سهلةوتنعفس نفسيتي لكن الان احسي خلاص كرهته من كثر ما افكر بالموضوعوبنفس الوقت احبه كرهت الرجال كرهت الزواج اللي تتمناه كل بنت كرهت كل شئ بالحياة اتمنى اموت وربي راضي عني احسي مالي خلق شئ ما ابي اقابل ناس ولاابي اشتغل بشئ والله يا بنات ما تشوفوني الا كل الوقت اغلبه بالنوم وياليته نوم زي الناس كل شوي اقوم وانتبه نفسيتي تعبت اكلي صار ما ينفع ابي اصرخ ابي اصيح ولا عارفة حتى كيف اصيح حيرانه ما ادري وش بسوي الان حاطه حيلي بالقران وقيام الليل عشان يتوسع صدري بس قلبي خلاص تفحم من النار اللي فيه وانا مابيدي شئ احس اذا نمت بالسرير فيه حرقة ونار بصدري

اذا كان عندكم تفسير علموني لأن راسي ماصار يعرف يفكر وشكرا لسماعكم

طولت عليكم اسفة