بقول لكم قصتي بإختصار 💔💔🚼🚼🚼🚼

قصتي طويله جدا ولكن بأختصرها لكم وافضفض 
انا اللي عانيت من الاتهابات بكل اشكالها والافرازات الشنيعه 
والاحصار بكل شهر والصداع والخمول والم بجسمي كله كل شهر قبل الدوره
طبعا عالجت ماجلست بس كل علاج مااستفيد منه 
قبل اسبوع تقريبا جاتني الاعراض هذي بس بزياده 
وبس ابكي من الصداع والم مفاصلي واللوعه
مع العلم اني اخذ حمض الفوليك من شهر 
وعملت تحاليل وطلع معي التهاب في المسالك البوليه 
لاتقولون ماتشربين الا اشرب مويه كثير بس مدري ليه يجيني دايم
المهم
نفسيتي زفت مره لانو اذا فيه التهاب مايصير حمل
ومره تعبانه من هالشي ابي اصير ام ابي احس بشعور الامومه واضم طفلي بحضني😭
املي بربي كبير 💕
قبل كم يوم دخل علي زوجي ووجه حزين مره وعيونه تدمع 
قلت له شفيك؟؟؟
قال دورتك زينه قلتايه قال لا بس خلاص 
قلت قول شفيك قال دريتي ان فلانه حامل؟؟ وهم متزوجين بعدنا وحملت من اول شهر؟ 
قلت ايه ادري 

قال ودي اصير ابو واشوف عيالي انا بديت اكبر وووو الخ 
انا هنا انكتمت وكتمت صرخه بصدري وكأن الدنيا سودا بعيوني وجاتني حاله بكاء هستيري وابكي بكاء ماعمري بكيته بحياتي كلها😞💔 

وابكي وادعي ربي انه يرزقني ويرزق سلفتي كنت ادعي من قلب لي ولها لأنها مثل حالتي وحسيت بحره كل وحده تبي تحمل وحسيت قد ايش الضنى غالي ونعمه من ربي 
يارب لاتحرق قلوبنا وترزقنا 
والله اني صرت ادعي بصلاتي لي ولكل وحده ماعندها ذريه 
انا كنت طول الفتره صابره وساكته بس يوم زوجي فضفض لي حسيت بالنقص وقله الحيله 
💟💟💟💟 
وقلنا بنكمل العلاج 
ورحنا استشاري بالزلفي يقولون انه كويس 
طبعا دكتور مسالك للرجال 
ودخل ووقفت انا عند الباب اتسمع عليهم 
والدكتور بدا يسأل زوجي عن الجماع وكذا والاخطاء اللي سويناها والغسولات اللمضره
وقال لازم قبل الجماع تغسل زوجتك بالغسول الطبيعي وغلط تغسل قبل الجماع
ولازم تنسدح ساعنين بعد الجماع ع اليمين او الضهر 
وقال الجماع بالنهار اكبر غلط ومايصير فيه حمل الا مارحم الله
لان الليل تكون الهرمونات عند الزوجين في اعلى هيجان وخصوبه 
وقال مادام تنزل افرازات صفرا مستحيل تحمل 💔 
وقال كلام كثير وكتب ادويه لمده شهر 
وطلب تحاليل وكذا وش يصبرني شهر ياناس والله ماعاد فيني اتحمل فيني ضيقه مايعلمها الا الله 
وانا اسمعهم من ورا الباب قعدت اتحسر ع الايام اللي راحت والاغلاط وابكي وقلبي يتقطع 
😞💔 
ادعوا ربي يرزقني وياكم 
وبسألكم هل جفاف المنطقه يعني مافي حمل؟؟ 
لان دورتي اليوم ولا نزلت وصدري مره مره يوجع كله 

وبطني متحجر وظهري  
وجاتني لوعه وصداع فضيع قبل اسبوعين بس خف الحين 
ربي لاتذرني فردا وانت خير الوارثين 💟💟 
استغفر الله واتوب اليه..