بقول ياريتني ماشفت ولا عرفت

قبل فترة لقيت محادثة بين زوجي وبنت على الواتس اب
فيها لغز ماعرفت شو هو لانو زوجي حاذف أجزاء من المحادثات معها
لما واجهتو صرخ وعيط بوجهي وغير مسار الموضوع
بعدين قلي هي بتكون وحدة من بنات رفقاتي ومسكينة حالتهم بالويل وابوها متزوج على امها من زمان ومابيصرف عليهم وتاركهم وانا بتواصل معها وبشوف احتياجاتهم
قلت مافي مشكلة بدك تساعدهم دلني على بيتهم وانا بساعدهم ليش تحاكيها ما رد وقال سكري موضوعها
هذا الكلام قبل 6 شهور
اول امس رجعت لقيت محادثتو معها بس محذوف منها أجزاء وواضح تواصلهم على طول يعني المي ماشية من تحتي
حولت رسايلهم لجوالي وبعدين حولتهم الو
هو ماحكى شي بس مارجع على البيت واتصل علي من بيتو قلي ليش الفزلكة والتجسس والكلام الفاضي هذا انا مالي مقصر معك ولا مع ابني منك ولا مع ابنك لي ابوه تخلى عنو
وياستي يمكن تجي براسي اني بدي اتزوجها
شو بتقدري تعملي قولي لاتنسي اني اخذتك ثانية بس مشان الحمل لاني ماعندي غير ولد واحد ولاتنسي اني اخذتك بعد سنين زواج مع الأولى ولما زعلت رميتها ببيت اهلها ومافرقت معي وانتي كمان مارح تفرقي معي ابدا باخذ فوقك كمان وربي موسع علي وقدران اتزوج لاتزني على خراب عشك مابتفرق معي صدقيني واذا مرة ثانية بتمسكي جوالي أصابع ايديكي لي كانت ماسكة الجوال بدي اكسرهم
ابني الصغير كان ماسك جوالو وبيلعب فيو وهو كان نايم وجوالو على طول مفتوح قدامي
كنت بحس انو وراه شي غياب متكرر وأسلوب غريب بس ماكنت بدي ادقق اكثر لانو كنت خايفة انصدم فيو مثل طليقي الأول
الرجال مبين وضعو غريب وممكن يتزوجها ب اقرب وقت هذا اذا ماكان متزوجها اصلا وعايش حياتو
اسلوبو كان غريب وقاسي كثير معي كان كلو تهديد ووعيد وعصبية وكلام جارح مارضيت ارد عليه
رجع كلمني اليوم بحالة هدوء تام ونبه ما اجيب سيرة او اتكلم و رجع هددني كل مابقول اسمها بيعصب
بس ماعم يرضى يعترف بعلاقتو فيها او انو متزوجها
عالاقل برتاح اذا بيعترف بس ماعم يرضى يحكي شي