بكااااااااء شبه مستمر كيف أتعامل معه؟!

هلا اختي
كلنا مرينا بالمسشكله هذي بس تاكدي انه لما يبكي الطفل بحده اكيد فيه شي يتألم منه واكيد مغص لان بنتي جننتي بس فيه دواء اخذته من الصيدليه لمغص الاطفال لما اعطيه تسكت
اشتريه لطفلك لان لما تنيميه على بطنه ممكن يسكن الالم ثانيه ويرجع يت؟ألم مره ثانيه
او اشتري له شاي الاطفال
وبالتوفيق

السلام عليكم
انا مثلك بنتي لها شهر تقريبا ودايم تبكي بكاء حاد وجربت معها كل الطرق ومافي فايده
ولاخليت طبيب مارحته
المشكله انها تظل صاحيه تسع ساعات او اكثر احيانا وهذي مو مبالغه
جربت قطرات المغص الي تباع في الصيدليه جابت فايده اول يوم من الاستعمال بس بعد كذا مافي اي نتيجه
لكن كل الاطباء الي رحت لهم نصحوني نصيحه وحده
نظمي الرضاعه خليها كل ثلاث ساعات قبل ماينام باليل حمميه بماء دافىء بعده الرضعه وخليه
راح ينام وذا مانام راح يهدا على الاقل شوي
اذا جاع بين الوجبات عطيها شاي الاطفال يهديها شوي

يا خواتي ماحد عانى مثل ماعانيت من ولدت بنتي تقريبا شهر والحمله قضينا على المشكلة وبعطيكم الطريقة بس اول شي لازم اطولون بالكم على عيالكم

1 اكبر غلط انكم اتسبحون الطفل اليل:08: واللي ابشع عن جية عقب مايشرب رضعته والطريقة الصحيحة انك اتحممينه الصبح يعني من 8 اللين 12 الظهر وبعدين عقب الحمام عطيه الرضعة والله بتشوفونه كيف بينام براحة

2 تبدا رضاعة الطفل من الساعة 6 صباحا الى 12 عند منتصف اليل :time: جذي انكون عرفنا اوقات الرضاعة وبعدين بين كل رضعة والثانية 3 ساعات:04: وان حشرج البيبي 2 ونص اوكي :27: ليش :confused: عشان معدة البيبي ترتاح من بين الرضعات تراها توهه صغيرة و طرية

3 في حالة الطفل اللي يعاني من مغص الغازات انا كنت اعطي بنتي قطور من دواء اسمه disflatyle (السموحة علي الاملاء) 5 قطرات كل 8 ساعات وبانتظام والله ان بنتي ارتاحت و انا ارتحت لان الغازات فية وفيها ولاتخافون هذا الدوا ابدا مش مضر سيروا واشتروه :42:

4 وبعد اهتمي في غذائك كثري من الماي والشوربة :cook:

5 من بعد الساعة 12 البليل اذا قام البيبي من النوم عطية شاي اعشاب مو حليب الين الساعة 6 الصبح ابداي حليب معاه ولا تخلين اي شيء ثاني لانه اهم غذاء للبيبي :04:

ومثل ما قلتلكم انا امجربة هالطريقة وبعض صديقاتي والله انها مشت عدل مع البيبي على فكرة خواتي اللي خبرني دكتور مش امالفة من عندي :27:

:21: وادعولي بالجنة

انا ولدي عنره شهر و عندي نفس المشكله ولا لاقيه لها حل
بجرب القطرات الي قلتوا عنها و ان شاء الله تفيد معاه

بس انا لاحظت من كلامكم شي حبيت انبهكم عليه

بعظكم قال ان الرضاعه من 6 الصبح لين 12 بالليل يعني معناها نتوقف عن رضاعه البيبي بالليل

بالعكس اذا كنتي ترضعين طبيعي فهالشي بيقلل الحليب
لانه الهرمون الي يفرز الحليب يفرز بين الساعه 1 صباحا الى 6 صباحا فقط و يفرز اذا تمت الرضاعه في هذا الوقت
يعني اذا ما رضعتيه خلال هالفتره ما بيفرز الحليب

هذا غير انج اذا رضعتي البيبي في هالفتره و افرغت صدرج من الحليب بتكون عندج مناعه طبيعيه من الحمل ( المناعهمن الحمل ما تكون بس بسبب الرضاعه،،لا،، بسبب تفريغ الصدرين بالكامل اقل شي 7 مرات خلال الاربع و العشرين ساعه + الرضاعه خلال ساعات افراز الهرمون)

للتنبيه فقط
و اذا شاكين في كلامي اسألوا اي دكتور

أختي أميرة قرطبة : أيش اسم الدواء بارك الله فيكِ ؟

أختي الفاتنة نور :
لو أترك ابني بدون رضاعة ثلاث ساعات ينجن :( أنا الحين أحاول أخلي بين رضعة ورضعة ساعتين ومو قادرة ، والمشكلة هيكل عظمي ، يمكن لأن ترجيعه كثير :44:

أختي alyaseyah :
1/ بالنسبة للحمام أنا ما يفرق عندي ليل أو نهار ، لكني أفضل النهار لأنه أدفأ .
2/ بالنسبة للرضاعة راجعي موضوعي هذا ، فضلاً لا أمرًا .
3/ بالنسبة لـdisflatyle راح أسأل عنه وأجربه له بإذن الله .
4/ مهتمين بإذن الله .
5/ أيش الحكمة من هذا؟ 6 ساعات بدون رضاعة !!! هذا مو تعذيب ؟!!

أختي أم مودي :
شقيقتي في الولادة :42: بس ابنك راح يشيب قبل ابني بيومين :o
إذا جربتي له القطرات عطينا خبر شو سوت معه ، ويا ليت إذا عندك خبرة تفيدينا بهالموضوع
http://forum.hawaaworld.com/showthread.php?threadid=169652