انا نزلت موضوع قبل كذا عن بيرفكت هير وانه وقف التساقط من شعري... يعني بدل ما تنزل في اليوم 100 شعرة صار 20 او 30 شعرة ... وانا سابقا كان شعري يتساااقط كثير من الصبغات ... غير كذا شايفة شعر كثييير صغار وهذا طلع من اول شهر استخدمه ... دحين وصل الشعر الصغار ل 10 سم وبعضها 5 سم وبعضها 1 و 2 سم وغير كذا حسيت نفس الشعرة صارت سميكة ... انا شعرتي سابقا مرة رقيقة بس مدري دحين يوم تطيح شعرتي وامسكها ما شاء الله احسها سميكة بس مدري اذا من الزيت او لا؟؟
الى هنا الموضوع حلو ... بس في شيء افكر فيه وابغى بنات حواء يساعدوني في التفكير
يوم اجي اربط شعري من ورى واحد احسه زي ماهو خفيف مرة طيب انا مستغربة .. اجل الشعر الجديد الكثير هذا ليش ما اعطاني كثافة ... يعني والله الشعر الجديد اللي طالع ماهو بهين طالع مرة كثير كأنه حشيش ... بس تصدقوا
والله بدأت اشك في الموضوع ..لا يكون الشعر الصغير هذا ... تقصف في الشعر يعني هو اصلا شعري القديم بس انقسمت الشعرة من النص لأنه يوميا او يوم ورى يوم استخدم الزيت فلا تسنوا الشامبو كيف ومضارة على الشعر؟؟
غير كذا اللي ملاحظته انه الفراغات اللي مقدمة الشعر ما اتملت كثير مدري ايش السبب
انتوا تعرفوا انه الحامل يغزر شعرها في بداية الخمس الشهور الاولى من الحمل؟؟ يعني بتلاحظ الغزر وانا طبعا منهم
طيب ليش ما حسيت بالغزر مع هذا الزيت مع انه استخدمه لمدة 6 شهور؟؟؟
انا ملاحظة انه التساقط وقف ... اجل ايش هو هذا الشعر الصغير الطالع ؟؟؟ واذا كان فعلا شعر جديد طالع ...
طيب ليش ما حسيت بالغزارة مع انه وصل ل 10 وبعضها 15 سم
اصلا هذا الزيت يستخدم يوميا لمدة ثلاث شهور .. بس انا استخدمته لمدة سته شهور لانه احط الزيت يوم ورى يوم
وبعد كذا راح اخليه مرة في الاسبوع للعناية والاهتمام
من جد الموضوع غريب يا ليت احد يوضح لي ؟؟؟ لاني بدات اشك انه الشعر الجديد ما هو الا شعري سابقا ولكن انقطعت الشعرة من النص ... وانا حريصة في استخدام الشامبو برفق على شعري واستخدم الشامبوا اللي يجي مرفق مع الشعر لاكثر عناية
هل استمر عليه ولا لا؟؟
حافية القدمين؟ @hafy_alkdmyn_8
محررة فضية
بكتب لكم تجربتي لزيت بيرفكت هير <استخدمته لمده سته شهور> للمخترع الدكتور سعيد الغامدي
16
5K
يلزم عليك تسجيل الدخول أولًا لكتابة تعليق.
حبيبتي اللي طالغ و طوله 5 او 10 سانتي لسه يبيله طول ليوصل مع اللي تمسكية
فطبيعي تحسي كثافة من فوق و تحت لا
لما يطول الشعر الجديد راح تشوفي كثافتة
فطبيعي تحسي كثافة من فوق و تحت لا
لما يطول الشعر الجديد راح تشوفي كثافتة
انا توني استخدمته لكن لسه ماشفت شي وانا ودي اسالكم عن ديت هير لتطويل الشعرفيه احد جربه ياليت تردون
الصفحة الأخيرة
كبف؟؟؟ أنااقولك..
تقريبا حالتي مشابهة لحالتك لكن انا استخدم زيوت غير حقتك وكمان احني شعري المهم لي تقريبا 6 شهور وملاحظة وجود شعيرات صغار ماتتعدى نص الكف بالطول ..ولما الم شعري من ورى الاحظ انه برضه خفيف زي اول او التحسن غير ملحوظ!!
عاد قلت لازم اشوف ايش قد ايه يتساقط وإذا فيه تكسر او لا بالأول جيبي شرشف يكون سادة وافتح من لون شعرك وافرشية بالارض واجلسي ومشطي شعرك عاادي بعدين شوفي ايش بالشرشف إذا شعره طويلة راح تشوفي جذرها وتعرفي انها من الشعر المتساقط
وإذا شفتي شعر كانه مقصوص قص بالمقص ومالها جذر يعني عندك تكسر بالشعر وحاولي تعالجية...واعذريني طولت الهرجة وهي قصيرة خخخخخ ..