بكتب لكم والدموع ع خدي...

بنات عالم حواء الي اشوفك اكثر من اخواتي...
احبكم في الله  من دون ما اشوووفكم..
انا تعبت من اهانه بعض الناس لي... بكتب لكم وانا ببكي 
مثلا مديرتي اليوم اهانتي شوي ومن كثر الالم سكت وما رديت عليها
على العلم اني ملتزمه بالدوام وغيري الي مو ملتزمين تحطهم عالراسها...
واحس كل من تعاملت معها يقلل من قيمتي حتى فقدت الثقه بنفسي...
مثلا احيانا اسوي طبخات معينه ويتفاجن سلفاتي ويقولن على بالنا بس ما تعرفي تطبخي..... واذا كتبت تقرير زين فالدوام اسمع حد من زميلاتي يقولو لي واو تقرير روعه على بالي ان لغتك مو لهذه الدرجه.....
احيانا اقول يمكن عشان شخصيتي هاديه...... واذا بتكلم اتلعثم من الخجل
انا هاديه واهلي حالتهم الماديه جدا كويسه يعني من زمان ونحنا عايشين حياه حلو ه ولا ادخل مطابخ ولا انظف و لا اشتغل وانا صوتي رقيق ودايما بالجمعات ما اتحدث كثير اكون ساكته واذا اتكلمت اعلق هلى شي ويكون تعليق  funny  الكل يضحك.....
ليه الكل في الدوام  وبيت اهل زوجي ما يثقون بقدراتي وما يحترمونني.
مثلا مديرتي احسها تحب تهنني و اذا سويت اي شي تشوفه غلط
اذا بجمعه مدرسات  واقترحت وجهة نظري اكثر من وحده تقول لي هذا الكلام مو صح ويعارضوني حتى اني دايما افضل اكون ساكته باي جمعه
ومره روحت ازور سلفتي ومن زمان ما شفتهم واما رحبت فيني ويوم اجو جيرانها رحبت بصوت عالي يا اهلا وسهلا.... وكانت عمتي موجوده وحسيتها حست فيني وقالت يا هلا بيكي انتي
بحد تعبت ......وصرت انطوائيه اكثر ما اروح كثير زيارات لا عند اهل زوجي  ولا عند حد .....
بس عند اهلي .....لان الناس يتجاهلونني و ما بحس حد يحترمني

وفي اشياء كثير ومواقف كثيرر رررررررر 
احيانا يجيني وسواس ان الله ما يحبني لاني سمعت اذا الله حب العبد زرع محبته في كل الناس....
مثلا امي كل الناس يحبونها حتى الي ما شافوها بس سمعو مديحها ....
ودايما الكل يذكرها ولا عمري شفت حد كرها....الله يطول بعمرها