بكتب موضوعي وكل وحده تحط نفسها مكاني وتجاوب بدون تجريح

زوجي انسان غير مسؤل واتكالي واسلوبه يقهر استفزازي القرار اللي يقرره مايشاورني فيه له اكثر من سنه بدون وظيفه وانا عند اهلي لين يحصل وظيفه ويستأجر بيت لان البيت الاول طلعنا منه صاحب العماره والحين زوجي لقى له وظيفه راتب 3 الاف امس كلمني قال الشهرالجاي ب اشتري اثاث مثل المكيفات وهالاشياء قلت له وين تحطها وانت ماستأجرت بيت قال الشهر اللي بعده استأجر بيت انا قلت له متاكد انك حسبتها صح قال وليه احسبها مايبي لها شي
انتوا تشوفون 3 الاف يكفي نعيش يارب لك الحمد ماقلت شي
بس هو عليه دين مفروض كل شهر يقسط 3500
واصلا اي شي ينزل على حسابه ينسحب من المحكمة
بس الوظيفه هذي اللي لقاها بيعطونه راتبه كاش
3 الاف منها ايجار وفواتير كهرباء ومويا ونت غير مقاضي البيت
وغير الدين اللي عليه قلت له والدين قالي ماراح اسدده بنات انا اقدر اعيش وارضى عادي بس انا افكر في بكره
عيالنا بكره يبون مصاريف
وهو عليه دين يمكن يدخل السجن بسببه وانا اظل متشتته
بيت اهلي موجود صح وانا ماعندي اطفال للان
المشكله انا مستعده ارضى بكل شي بس انا جربت العيشه معه تحت الضغط هذا كله بنات انا صابره من ثلاث سنوات وهو كان اسلوبه استفزازي معي يحسسني اني مجبوره على العيش معه
كنا ساكنين بتبوك ووظيفته كانت شركه وطلعوه منها وماعرفت السبب اهله موجودين بنفس المنطقه بتبوك وكان ياخذ منهم اذا احتجنا شي واغلب شي اكلنا من عندهم وانا كنت اسمع كلام يقهر من خواته وكنت اسكت ماعلمه لين لحظة علمته بكل شي قال لي لاتتكلمين عن خواتي قدامي قلت له بس هم يغلطون علي حيل وانا ساكته وماكنت بقولك بس الحين خلاص طفح الكيل
الين قبل سنه صاحب الشقة قال له اطلع لان الايجار تراكم وصل 40 الف قام زوجي قال لي خلاص روحي لاهلك لين اشوف وش الوضع
ورحت الحين لي سنه عند اهلي بالقصيم وبعد الصبر هذا على انه يعدل وضعه جا يبي يحوس وضعنا من اول وجديد


واللي يزيد علي والله العظيم يابنات مايصلي قلت له شوف ربي وش سوو فينا يبيك تلجأ له ارجع لربك صل فروضك عشان ربي يرزقك ويعوضنا عن سنين التعب يقول الهدايه من الله متى ماهداني بصلي بنات هو انسان كامل عقله في راسه لما كنت عنده اصلي كل الفروض وهو جالس مايحرك فيه ساكن
ادري السالفه حوسه ومتلخبطه بس تعبت من الضغط 😭😭😭