بكتريا مادري ايش سببها؟

السلام على الجميع انشالله الكل بصحة وعافية حبيت اسالكم عن البكتريا اللي تجي في البول ايش علاجها لانه انا اول ماحصلت معايا كنت حامل في ولدي الثاني والله يعزكم دخلت الحمام عادي زي كل مرة وتطلع ريحة البول مرة كريهة وبعدها صار عندي حرقان بغيت اخبل حتى النوم مايجيني هذا كله حصل لي وانا حامل في الشهر الثاني والبول ينزل متقطع يعني تلاقيني كل شوية في الحمام واونه غامق ولما ينزل اموت من الالم والحرقان المهم رحت للدكتورة حقتي ووصفتلي مضاد حيوي وشربته لمدة اسبوع راحت ورجعت بعد تقريبا اسبوع وانا حريصة على نظافة ملابسي المهم اهملتها سنة ونص والالتهاب موجود اعرف من الحرقان ومن ريحة البول ولونه ورحت للدكتور قلي نفس الكلام واعطاني مضاد وشربته ونفس الشي راحت ورجعت ياجماعة الخير انا خايفة يتطور الموضوعولاقدر الله يجيني فشل كلوي الله يحمينا ويحميكم منه ومرة قلت قدام وحدة هذا الكلام قالت ان المتزوجات ماتروح منهم قصدها التهاب البول زي اللي عندي وتقولي حتى لو عالجتيه يرجع ثاني مرة هل هذا الكلام صحيح ولو ماهو صحيح ايش الحل الله يرزقها الصحة والعافية اللي ترد علي حت اللي ماترد ولكم مني الف شكر