طيب غريبه الدكتوره ما كتبت لكي ادوية ليش ......؟

جاتني التهابات في الشهر السادس و كتبت لي تحاميل جينو دكتارين اللي تجي 3 حبات تستخدمي حبة كل يوم و غسول والحمدلله راحت الالتهابات بعد كورس العلاج على طول ..

وذحين في التاسع برضه رجعت لي الالتهابات و كتبت لي تحاميل جينو مكزورال برضووو كورس 3 تحميلات لمدة ثلاث ايام مع غسول
ديو سيبت ولسه ما خلصت العلاج ...

انتي قولي لها ابغى علاج ولا تخافين اصلا وقت الولادة بيعطونك مضاد حيوي بالوريد و كمان الطفل يعطونه قطرات معقمة لعيونه
وطبيب الاطفال بيكون متابع معاهم ..

اهم شي انتي كمان لا تهملين و اطلبي من الدكتوره علاج

والله اني يابنات خفت
انا معي بكتيريا وفطريات حتي تنزل معي افرازات لونها مايل للاخضرو عطتني الدكتورة علاج لها واحس انها راحت بس ارجعت لي مره ثانيه الله يستر بكرة عندي موعد وبقولها
القلب قام قام يدق خبيتي هههههههههههه

الله يجزاكم خير خواتي على إهتمامكم وردودكم...
أنا سالت الدكتوره اليوم إذا أقدر آخذ علاج لها قبل الولاده قالت ..وقت الولاده يعطون مضاد عن طريق الوريد ... وبعد الولاده يتركون الطفل 48 ساعه تحت المراقبه لأن هالبكتيريا خطيره على الدماغ ..الله يستر ... وتقول هي منتشره بين الحريم بدرجه كبيره ...
الله يطمن قلوبنا ويحفظ عيالنا من كل شر ..
استودعتك يارب مافي رحمي وأنت لاتضيع ودائعك ...

يالطييييييييييييييييييييييييف والله خوفتوني انا دخلت بالتاسع واعطتني غسول بس
وش السالفه
قالت لي اعطيك تحاميل تعرفين لها قلت ماقد اخذتها من قبل قالت خلاص اجل بس غسول
والمشكله اني عشت بالرياض وانتقلت من تزوجت لمنطقه ثانيه وما رضوا يفتحون لي ملف الا لما اسحب ملفي من الرياض وانا مارضيت لان اهلي هناك وممكن احتاجه اذا زرتهم الله يبعد الشر واتعالج في خاص من حملت وقالت لي الطبيبة ما عليك اذا جت وقت الولادة روحي طواري
طيب انا مدري متى اولد وغير عن كذا لازم اولد عند طبيب متابع معاي وعارف وش عندي والله خوفتوني وش رايكم وش اسوي اخذ التحاميل
هذا اول حمل لي ونفسيتي بدت تتعب
الله يرزقنا بالاطفال السليمين يارب

حبيبتي المودعه ... والله ماأدري عن التحاميل ... لأني بكريه وماأعرف عن هالسوالف واتمنى المجربات يفيدونك ..
وأنت تطمني وتوكلي على الله .. واطلبي الدكتوره تسوي لك المسحة المهبليه وإن شاء الله مافيك إلا العافيه ...
الله يرزقنا بالذرية الصالحة المعافاة ...