بكرا مقدر طيب بعده بعده برضو مقدر اجل اللي بعده

السلام عليكم
عنوان الموضوع غريب شوي
على كثر صداقاتي وعلى كثر ماعرفت الا زي هذي النوعيه ماعرفت ابدا ابدا
وبطبعي ما احب ولا اتعودت اتجاهل احد او اجرح احد مهما كان والحمدالله متعوده احترم الكل لكن هذي النوعيه يبيلها حد صراحه
انا من فتره طويله تعرفت على زوجة صديق زوجي
انسانه طيبه بنت حلال لكن صفة الله يصلحها النشبه
ابد ماتقولين زوجة عندها اطفال وزوج كل ماحاولت ابعد عنها ارسلت واتس تسأل وسالفه ورى سالفه
دائما فاضيه وفيها صفه شينه النشبه يعني يا فلانه وش عندك الجمعه انا بجيك ومعروف يوم الجمعه طلعات للاهل وانا طبيعتي اكره اللي يعزم نفسه لو عندي نيه اعزم بطلت ما اطيق ذا الصفه دائما اللي يلمح لي بيجيك يافلانه اقول حياكم الله نشوف يوم يناسب وتجونماعمري مشيتهم على هواهم او خليتهم يحددون انا احدد فقط وفعلا اناديهم بطيب خاطر وضيافه تجبر الخاطر وشي يرفع الراس اذا جا الشي من نفسي
هذي ماتستحي قالت بجيك الجمعه قلت انا اطلع الجمعه وباقي ايام الاسبوع زوجي موجود مايطلع من البيت قالت اجل نأجلها الجمعه اللي بعدها قلت انا يافلانه اعزمك اليوم اللي يناسبني قالت زين ابد بعد كلامي بأسبوع تقريبا كان يوم الأحد قالت هلا ودي اجيك الجمعه ولا كأني قلت شي قلت لاحول ولاقوة الا بالله تعالي حياك قالت وعدنا الجمعه قلت ان شاءالله وبيني وبين نفسي قلت افتكي منها كل شوي عازمه نفسها خليها تطيح اللي براسها تجي
ابد قبل بيوم ارسلت تعتذر تقول حمولتها عازمينها وبتأجلها قلت عزيزتي مافيه تأجيل انا مرتبطه اذا ماجيتي بكرا اشوف ع حسب ظروفي مو انتي تحددين قالت على خير مادريت الا مرسله ولا كأني قلت شي قالت الجمعه الجاي بجيك زوجي يقولي ان زوجك بيطلع يكشت بالبر ارسلي سواق اهلك يجيبني قلت سواق اهلي مشغول وانا بطلع والله قالت خلاص اخلي اوبر يوصلني لا تطلعين الاهلك خلينا نسهر سوى قلت والله ماصدقت تجي العطله بطلع والاسبوع اللي فات قلتلك تعالي واعتذرتي على اخر يوم
قالت ماتبين نطلع سوى كوفي قلت اشوف ظروفي
هذا الكلام يوم السبت تخيلو من يوم السبت كل يوم ترسلي هااه تبين بكرا نطلع ارسل ما اقدر والله ترسل اجل بعده يجي بعده اقولها مقدر واضح اني اصرف مالي خلق اعمق العلاقه لانه واضح انها من الناس النشبه وقلق وأي شخص طبيعي فهم ها الشيء لكن هي عادي ولاهمها ومطنشه وهي مصره وعلاقه كلها استغلال وسوالف سامجه وكله حش وشك بزوجها وطاقه سلبيه لأبعد حد ماتلزمني ابد صراحه مارتحت لها هذا غير المقارنات مو مريحه ابدا عجزت ابعد عنها اصرفها نشبه مابي احط بلوك خصوصا زوجي يقول لاتفشليني عند صاحبي جامليها ولاتسوين لها شي انتي ماتبينه خلك لبقه والله تعبت نفسيا منها الدرجة مره عزمتها بيتي مع خواتي قالو قسم بالله ماتتعاشر تعرفون الشخصيه السلبيه اللي سالفتها زوجها سوى زوجها فعل زوجها قال وكلها اشياء تضيق الصدر وسلبيه مو اشياء تفرح والله صرت اشك بزوجي منها مره صار يضيق صدري وبس اشك فيه عجزت اتحمل