بكرة بروح السوق تآمرون على شي .. مين تجي معي ..؟

بسم الله الرحمن الرحيم



اخواتي بنات حواء أبشركم بكرة نازلة السوق :icon28: وأبغى أشتري لي مكياج زي الناس:angry2:


أحس اني صار لي فترة مسمرة ووجهي مشحب وماصار أي شي يناسبني ...


أول كنت ماأحط الا البودرة المائية الفلبينية اللي بعشرة ريال وياحلاتي ماعاد احتاج أحط شي ثاني حتى الكونسيلر ماأعرفه :22:


ألحين بسم الله علي تقولون وحده قايمة من غيبوبة صاير لها سنة لا تآكل ولا تشرب :(<< كسرت خاطر نفسي


مهما حطيت من مكياج وحركات مايبين فيني .. حتى جسمي مسمر ويفشل ...


المهم يابنات ساعدوني الله يوفقكم وقولوا لي عن أفضل كريم أساس تنصحوني فيه يصفي البشرة يعني ودي يفتح بشرتي ويصفيها ويخليها مثل القزاز << يعني الزجاج .. حتى لو يكون ثقيل مايمنع ..


على فكرة استخدمت كريم أساس ديرماكول بس أحسه مو ذاك الزود يعني في البداية يغطي مزبوط بس كلها ساعة وهو مختفي مدري وين راح :angry2:


وشي ثاني بعد أحيانا أشوف مذيعات بالتلفزيون أجسامهم تلمع وتجنن واضح انهم حاطين عليها كريم أساس ودي في مثله صراحه يخلي صدورهم شي مغري الله يآخذهم كأنها قزازة ...


ياليت بعد اللي تعرف كريم أساس للجسم ثابت ومايبقع في الملابس تلحقني فيه لاتقولون لي كريم سالي هنسون لأنه بصراحه فاشل بكل معنى الكلمة يبقع في الملابس ويشوه الجلد .. عندي منه أحس جسمي بعده يصير ناشف ومبقع يالله لك الحمد ...


الله يسعدكم يابنات ألحقوني قبل ماأروح للسوق ...


ولا تنسون تعلموني أفضل محل يبيع كريمات أساس ماركات في الرياض ..