بكرة عندي مقابلة شخصية وتحضير درس نموذجي أرجوكم ساعدوني .......ماعندي وقت

ام حمودي خذي هذا الرابط رائع ويفيدك كثير فيه عروض بوربوينت لجميع المواد
http://www.fadhaa.com/vb/showthread.php?t=58410&page=25

ياليت اقدر اساعدك
الله يوفقك ويسهل عليك

وانا والله لو بيدي أساعدك ماقصرت ..

الله يوفقك وييسر أمرك .. حاسة والله بقلقك وخوفك ..
طمنيني اذا ربي كتب لك الرزق ..

شكراً للجميع على ردكم ... وإحساسكم الحلو معايا ............. طبعاً الوقت عندي كان بالمرة ضيق المهم رحت وجهزت للدرس بالوسايل التعليمية والبطاقات عشان التقييم والتحضير وطبعاً مانمت هذاك اليوم واتبهدلت انا وعيالي لأني رحت عند أختي عشان الاقي أحد يساعدني ......... المهم مالكمفي التفاصيل المملة ....................رحت الساعة 9 زي ماطلبوا مني استقبلتني صاحبة المدرسة بوجه مشرق ومبتسم وسلمت عليا وقالتلي أتفضلي بصراحة اتفألت ودخلت وفسخت عبايتي واستنيت الين جات وحدة أعرفها من دفعتي قالتلي والله مرة آسفين لأن المعلمة الأساسية جات ونعتذر منك ... قلتلهم كان اتصلتوا ماكان جيت وتعبت نفسي عموماً شكراً وانتو الخسرانين .... كلمت السواق يرجعلي واستنيتوا شوية قالولي نبغى نحضرلك الحصة مادامك حضرتي الدرس بصراحة كنت أبغى أقولهم شكراً لاتعبوا نفسكم انا خلاص ماشية بسش سكت وقلت يالله ماحنخسر شي المهم أعطيت الدرس بشكل ممتازمن دون أي توتر لأن مرتاحة خلاص وماتفرق معايا ... اخدوا أرقامي مرة تانية وشكروني .....انتهى