بكرة يوم عرفة .....تعالو ابغاكم

السلام عليكم ورحمة الله وبركاته

أخواتي الغاليات بكرة يوم عرفة ومايحتاج أذكركم باجر الصيام والذكر فيه

واللي ماتعرف اجره تدخل قسم مجالس الإيمان وتشوف مواضيع البنات الله يجزاهم خير

كثير ناس دعو الله بيوم عرفه واستجاب الله لهم لأنه يوم عظيم عند الله وتستجاب فيه الدعوات

عشان كذا يامهمومه رب العالمين الرحمن الرحيم بيفرج همك بس اجتهدي وادعيه

ياللي تأخرتي بالزواج ادعي ترى مافيه شي صعب على ربي

يامظلومه افرحي وادعي ربك بينصرك على من ظلمك

يامريضه ادعي الشفاء بيده وحده ولاطبيب بالكون يقدر يشفيك غير رب الأرباب

يامحرومه من الذريه ادعي ربك ماتدرين لو يستجيبلك وتحملين الشهر هذا

خلو التشاؤم ادعو وألحو يمكن ربي ينزل علينا رحمه من عنده

ادعي لكل مهموم عشان تقولك الملائكه ولك بالمثل

بس طبعا مو بس تدعين كثري الذكر التهليل. التسبيح,التكبير .الصلاة على الرسول صلى الله عليه وسلم.الصدقه ومو شرط بالفلوس لو

بسمه .أو إماطة أذى عن الطريق. أو كلمه طيبه . او اشتري فطاير وكم حبة تمر ومويا صحه ووزعيها على العمال اللي عند المسجد

ولا تنسون دعاء يوم عرفة

لاإله إلا الله وحده لاشريك له له الملك وله الحمد وهو على كل شي قدير

وطلبتكم يابنات لاتنسون تدعون لولدي بالشفاء ادعوله ربي يشفيه ويفرج همي ويفرح قلبي

تكفووووووووووون لاتنسون خصوصا اللي بتصوم