بكره الطابور الصباحي لطلاب الشرقيه بيكون الساعه كم ( ورطتني امي بقومة اخوي الصبح )

السلام عليكم

لحظه ابغى ابكي :icon33:

من يوم رجعنا من السفر وانا نومي مو راضي يتعدل .. ما انام الا بعد 7 الصبح

فورطتني امي وقالت قومي اخوك بكره >>> ياكرهي لمن اصحي احد

طبعا اخوي الشطور نجح من سادس ورايح اولى متوسط

السنه اللي راحت كانت مدرسته جنب بيتنا

بس هالسنه راح اول متوسط ومدرسته راح تكون بعيده

ونسيت ماقلت لامي اصحيه الساعه كم

لان على نهاية السنه اللي راحت كنت اتعذب معاه

لان بالموت يقوم لازم نتضارب انا وهو علشان يصحى وننشب بعض على البطانيه انا اسحبها وهو يشدها

وبعد الهوشه والصراخ يدخل الحمام ويتسبح ويطول علشان يستفزني واجلس ادق عليه الباب واحلف له

يمين عظيم اني ما ارجع اسخن الفطور

وبعد الحمام يرفض يفطر ويكمل نومه بالصاله واحلف له اني ما اصحيه واهدده اني

اخلي امي وابوي يشوفونه نايم وياخذ علقه محترمه .. وهو ولا عليه >> شعليه اخر العنقود عارف نفسه ماراح ينضرب

وكل ماغفت عينه اكح واتنحنح واسوي نفسي ان في شي بحلقي وعلى هالحال حتى يروح المدرسه



وهالسنه مثل ماقلت لكم مدرسته راح تكون بعديه شوي >> مو مره بعيده عادي يروح مشي

بس مو مثل الابتدائيه جنب بيتنا


فياليت اللي تعرف موعد طابور طلاب الخبر تقولي .. علشان اعرف معركتي مع اخوي اوقتها على الساعه كم


وبيني وبينكم احلى شي عندي لمن نتهاوش انا وهو


وسالته قبل كم يوم بما اني متملكه وزواجي بشهر 2 .. قلت له لايكون تبكي علي اذا تزوجت

قال احسن شي اذا انقلعتي افتك من ازعاجك لي متى يجي شهر 2 بسرعه :icon33:


وانا ودي اسوي له ذكرى .. وبعقد طول هالفصل انا اللي اصحيه الصبح علشان يفقد قومتي له :27: