بكره اول يوم دوام بعد ولادتي،،وقلبي بالحييييل متقطع على ولدي،،

السلام عليكم،،
اخواتي محتاجه نصيحتكم،،من غير مقدمات ولا شي،،واعتبروها فضفضه،،
انا بكره اول دوام لي بعد ولادتي باربع شهور وولدي خديج واخاف عليه بالحييييل ومررررررررررره متعلقه فيه وقلبي متقطع عليه ماادري وش اسوي بنفسي لو بعدت عنه والله صار لي كم يوم مانمت وبس افكر،،
انا باخليه عند عمتي ام زوجي بس والله مو مرتاحه نهائيا ما ادري ليه،،آآآه يايمه ليتك قريبه عندي والله بارتاح،،ادري بتقولون ان عمتي مثل امي يعني جدته بس المشكله اهم ودهم ياخذونه مني ولا يخلوني اشوفه يعني يبون يربونه عندهم،،بس انا امه وانا الي تعبت فيه،،
والله يااخواتي شايله هم يسحبونه مني لان هذي خطتهم وانا عارفه،،جالسه افكر اذا بكى كيف بيسكتونه وكيف بينومونه والمشكله ان عندهم اطفال غيره ويغارون منه كثير واخاف عليه يأذونه،،
وولدي متعلق فيني بالمررررره مايعرف غيري،،
احيانا اقول لا انا ابلغ كثير بحبي لولدي واحيانا اقول انا امه واكيد اخاف عليه واحبه،،تعبت نفسيتي لدرجه فكرت اني افصل واجلس عنده بس المشكله ان حتى ابوه مو موظف يعني كيف اصرف على حالي وولدي،،
خواتي محتاجه منكم نصيحه ودعوه تجبر خاطري وقلبي جزاكم الله خير،،