بكره زواجي

صباح الخبر
بدخل فالموضوع على طول بكره زواجي وكل ماافتكر اني بطلع من بيت اهلي ابكي كل مااحس اني بيعد عن ماما وبابا ابكي مني مصدقه وربي اكتب ودموعي مغرقه المخده مدري كيف بيكون وضعي بعدهم
صح بيكون بيتي ف نفس المنطقه لكن مو نفس الحي 😭
يارب تهون عليا
بنات واسوني وانصحوني احس اني تسرعت وتزوجت بدري وانا عمري ٢٣ احس خلاص حددت مصيري
اخاف اكون استعجلت ومافكرت
انا مااعرف اعيش بدون امي هيا كل حياتي مااسوي شي الا برأيها مااعرف اتصرف ابداً بدونها ولا اعرف اطبخ ابداً وانسانه مااستحمل المسؤليه احس اني بضيع وربي من دا الزواج
انا للاسف مهمله واتكاليه تعودت امي تقود حياتي بمعنى الكلمة
ياربي احس دوبي صحيت على نفسي
اتمنى تنصحوني وربي تايهه واول بنت اتزوج مااعندي احد ينصحني
اشياء كثير مني عارفه اجوبتها استحملوني شوي
دحين لمن اخرج من القاعه وندخل الفندق افسخ فستاني والبس قميص اول ليله على طول؟
ولا اجلس بالفستان شوي
طيب اذا غيرته ولبست القميص اجلس بمكياجي وتسريحتي ولا اغسلها و اتمكيج انا
طيب اش اشيل معايا للفندق احنا بندخل الفجر ونطلع المغرب
كمان اش اشيل معايا في شنطة السفر كم لبس وكم قميص نوم وكم بجامه
وبسالكم ذحين وانتو جالسين فالبيت مع ازواجكم اش تلبسون فالعاده
يعني انا متعوده ف بيتنا ع طول بجايم حلوه ومرتبه
احس جهازي اغلبه ملابس كذا
بجايم وشورتات
كمان انا لمن اخرج من الفندق بروح لصالون اقص شعري لانه مره يتساقط وبصبغه اشقر رمادي او زيتي او بني
ونفسي اسوي كيراتي شعري ينفش مره ويتعبني لارم استشوار
فين تنصحوني اروح
والله يسعد اللي تساعدني يارب لو بدعوه